Eg flytta til Porsgrunn i oktober i fjor. Det er straks eitt år sidan. Mange har sikkert opplevd mykje i løpet av det siste året, men eg må vel seia at eg har gjort fint lite. For eksempel har eg ikkje potta om plantene mine, noko det står på diverse potteplantenettstader at ein skal gjera ein gong i året. Sidan dei eldste plantene mine vart kjøpte da eg flytta hit, er det på tide å ta mot til seg.

Eg sykla til Hoels hagesenter tidlegare i dag for å handle inn nye potter og blomsterjord. Det eg ikkje tenkte på, var korleis eg skulle få med meg alt på sykkelen heim. Hagesenteret hadde også litt dårleg med posar, så eg måtte ta 20 liter jord i ein veik pose som heldt på å rakne. Heldigvis greidde eg å låse fast posen med sykkellåsen. Da følte eg meg som MacGyver. Så er det store spørsmålet: Kva by kjem eg til å bu i neste gong eg pottar om plantene?