Analyse av songtekst

Han dro til sjøs og sovnet

og lot båten følge strømmen

og da han våknet opp så han en øy

var det en del av drømmen?

Mange kjenner seg att i denne songen om Kalle Klovn. Songen handlar om livet. Ein berre lèt seg flyte med straumen, ein klarer ikkje å ta tak i livet sitt og gjera aktive val. Når ein endeleg vaknar opp mentalt, kjenner ein ikkje att livet sitt. Ein er vorten framand for seg sjølv.

Mild mor?

Mange påstår at ein blir mildare og meir omsorgsfull når ein får barn, at det gjev eit nytt og opnare perspektiv på livet. Eit liv fullt av empati. Men sanninga er det motsette. Som mor har Guri vorte meir aggressiv, og ho har lettare kome i angrepsmodus enn før. Ei ny verd av irritasjonar opnar seg.

Ting å irritere seg over som forelder:

– Folk som startar opp motorsaga AKKURAT når du passerer med barnevogna.

– Dører som går att med eit SMELL.

– Smekker med borrelås med så skarpe kantar at dei ripar opp halsen til ungen.

– Fuglar (det er for så vidt ikkje noko nytt).

– Brustein (burde vore forbode).

– Folk med trillekoffertar.

– Folkesamlingar.

– Omgrepet ammetåka.

Forkorta næringskjede

På Scandic Nidelven i Trondheim går kaffien rett i søppelbøtta.