DANSEKVELD

På bygdadans ein sumarkveld

snudde brått mitt kvinnehell.

For langvegsfrå i grå flanell,

stod norsktoppkongen Dag Spantell.

Ho smilte søtt, som ein modell

til bygdadansens klientell,

og svinga seg i ljos pastell

til tonar frå Dag Spantell.

Ein bygdadans med sprit og spell

på Vestlandet blant høge fjell,

men rett på sak og aktuell

song vestkantguten Dag Spantell.

Frå bygdadans til blått motell,

ho fylgde med, svært sensuell.

Det vart ei natt med ville sprell,

og vegg-i-vegg song Dag Spantell.

I CAN’T GET NO SATISFACTION

Livet er urettferdig.

Sånn har det alltid vore.

Då eg var liten,

So much younger than today,

var det ikkje lett å få draget på damene.

Eg var verken tjukk eller rar.

Eg var berre ganske liten –

og ganske vanleg.

Just an ordinary guy

Damene ville ikkje ha ein vanleg kar.

Jentene i klassen min var to meter høge

og fryktinngytande modne.

Dei ville ha meg

fram til sånn i sekstida.

Til å gjera lekser med.

Så måtte eg gå.

For då stod det ein fyr der – med moped.

Eller fast plass på smågutelaget.

Kanskje til og med ein som – hadde bil.

Eg hadde ikkje bil.

Highway star

Han var som vanleg høg og mørk.

Alltid skal dei høge og mørke

ha alle damene.

Some guys have all the luck

Tenk om det hadde vore som

i Polynesia.

Der dei feitaste gutane

får dei finaste damene.

Men eg voks ikkje opp i Polynesia.

Ikkje i nærleiken eingong.

Eg voks opp på Voss.

Og var ein jævel til å sykla.

Og til å måtte legga meg tidleg.

Men kanskje var det like greitt.

Hadde eg vore på hyttetur –

med ei dame,

ein uverkeleg tanke,

sidan eg alltid var på hyttetur

med andre litt små,

litt vanlege fyrar.

Så hadde eg ikkje visst opp ned

og bak fram på ho.

I can’t get no satisfaction

Kanskje var det like greitt

For både ho og eg – at me venta

ein sytten–atten års tid.

Men tru no likevel ikkje at

eg var ein svekling for det.

Eg stupte gjerne frå 5-meteren.

I umoderne badebukse.

If I said you had a beautiful body

will you hold it against me

Og rett som det var – når det var fest.

For eg var ikkje av den veike sorten,

Då kunne eg ta ting på styrten.