Ein dialog om innkjøp av papir

Klokka åtte seint ein laurdagskveld pratast systrene Sigrid (Skien) og Guri (Trondheim) via Skype. Sigurd (Trondheim) kjem med enkelte kommentarar. Sigrid og Guri er forsinka med Innside-innleveringa, for det var så mykje bra på Barne-TV i kveld. Plutseleg ringjer det på døra.

Guri: Vent litt, det ringjer på døra. Det er sikkert onkel Siverts dasskasse!

Sigrid: Kva er det?

Guri: Har du ikkje høyrt om onkel Siverts dasskasse? Det er genialt, vi er heilt avhengige. Det er akkurat som Adams matkasse, berre med dopapir.

Sigrid: Så lurt, da slepp ein å kjøpe dopapir på butikken, det er så flautt.

Guri: Synest du det er flautt!

Sigurd: For da tenkjer kassadama at du skal rett heim og gå på do?

Sigrid: Ja. Og det skal ein jo.

Guri: Men er det ikkje meir pinleg at det er ein slektning som formidlar papiret, da?

Ein dialog om forbruk

Guri: Folk er opptekne av å kjøpe ting på sal ...

Sigrid: ... og at mat skal vera billig.

Guri: Men designting til huset skal vera dyre.

Sigrid: Og bilen. Og mobilen. Og fritidsting.

Sigurd: Følgjer de med på lista over konkursar i Dagens Næringsliv?

Guri: Ja, eg følgjer med på om det er interessante konkursar i Trondheim.

Sigurd: Bedrifta Hopefully Soon To Be a Modellers Heaven AS har gått konkurs. I Tananger.

Guri: Kvar er Tananger?

Sigurd: I Rogaland ein plass.

Guri: Eg synest det høyrest ut som i Finnmark.

Sigrid: Eg får ikkje til å bruke Google Docs på Ipaden min.

Guri: Brukar du ikkje dataen din?

Sigrid: Nei, det er berre så vidt han fungerer.

Guri: Skal du ikkje kjøpe deg ny data?

Sigrid: Nei, eg vil ikkje vera del av forbrukarsamfunnet.