Ein kakerlakk på min veg

Møtte ein kakerlakk på vegen til Holstein T-banestasjon i dag tidleg (no ja, ikkje så tidleg heller). Og eg spurde så og eg sagde så: «Korleis gaor da me ditta kakkerlakkifatet?» Og han svarte slik: «Det går vel helst ad helvede til.» Og det er nok situasjonen per no.

Hjartesukk

No har eg moka vekk ca. halvparten av snøfonna på verandaen, men kjenner meg ikkje som noko vesentleg betre menneske av den grunn. (Derimot har eg fått styggeleg vondt i ryggen, og hjartet flimrar som ein gammal stumfilm.) Så kva skal til, eigentleg? Eg berre lurer, og svaret blæs som kjent i vinden.

Sjølvbilde

For eit par veker sidan vakna eg i Bergen med ei kjensle av at eg har eit dårleg sjølvbilde og burde gjere noko avskrekkande med det. Men heldigvis – etter ein kopp kaffi og ein langsam spasertur, var det vanlege sjølvbildet på plass igjen. Og vel så det, kan eg vel leggje til.

Sjølvinnsikt

«Eg er skyldig inntil det motsette er bevist.»

Eit minne om ein gammal søndags- skulesong

«Gud vil eg skal vere ein rabagast.»

Eit utbrot i mørket

«Helvete også at ein skal døy ein gong!»

Kva med OL?

Eg må berre beklage til dei som lurer på kor det blir av OL-stoff og resultat. OL er enno ikkje over, så eg sparer dette til neste Innside. Kan berre seie så mykje som at Norge så langt har gjort det rimeleg bra, men har også opplevd enkelte nedturar.