Du, eg har fått eit dilemma på jobben. Sjefen seier at vi får ei kasse klementinar i julegåve, men eg toler ikkje sitrusfrukter. Sjølv om eg har sagt frå om det, seier han at alle får det same, og at eg heller må glede ein ven ved å gje gåva vidare. Men då får eg altså inga gåve. Er det rett?

Helsing «Skuffa»

Gode «Skuffa»

Den største gleda du kan ha, det er å gjera andre glad. Dette verset lærte eg då eg var barn, og det er mykje sanning i det. Likevel må eg seie at moralen til sjefen din er paradoksal: Kva glede får sjefen din av å gje deg noko du vert skikkeleg sur for å få?

Rådet mitt blir likevel å tenkje på alle dei som ikkje har det så greitt, og som du kan glede med ei gåve. Set kassa med klementinar i ei julegryte nær deg!

God jul, Signe Svare