Norsk matskatt nr. 84: ekte finnbiff
Finnbiff er ein stor norsk matskatt frå det samiske kjøkenet. Han er eit must for alle som ferdast i vår nordlegaste landsdel. Finnbiffen er mykje brukt andre stader òg. Den moderne utgåva og den som venninna til vår gode ven kokken Tommy Østhagen (@sankekokken) lagar, er ulike. Moderne finnbiff har mykje godt frå butikken i seg som ein ikkje får på vidda.
Venninna til Tommy sa at finnbiffen skal vera fri for «søringfjas». Det vil seia rømme, bacon, geitost og slikt. Eigentleg skal ekte finnbiff ikkje lagast av skav, men av skiver frå bog eller høgrygg. Det vesle reinen har av feitt, skal vera med på stykka. Dette skal kokast i vatn med salt og pepar. Ikkje meir vatn enn at det så vidt dekkjer kjøtet. Gryta skal koka lenge. Éin time viss det er tunne skiver, to–tre viss dei er tjukke. Du kan ha tytebær til.
Og naturlegvis potetstappe. Kan hende sylteagurk ved sida av.
Sopp er altså ikkje med i den «ekte» finnbiffen. Det er slik at samar ikkje et sopp. Den skal reinen få. Ekte finnbiff gir ekte smak av vidda, men ein «søringvariant» med både fløyte, rømme og sopp er sjølvsagt mykje betre å nyta enn ei vassen baconpølse.
Biletet denne gongen er av finnbiffen Innsida fekk i Kirkenes i mai, altså ei litt moderne utgåve.
Reinkjøt er ein stor matskatt i alle former.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Finnbiff er ein stor norsk matskatt frå det samiske kjøkenet. Han er eit must for alle som ferdast i vår nordlegaste landsdel. Finnbiffen er mykje brukt andre stader òg. Den moderne utgåva og den som venninna til vår gode ven kokken Tommy Østhagen (@sankekokken) lagar, er ulike. Moderne finnbiff har mykje godt frå butikken i seg som ein ikkje får på vidda.
Venninna til Tommy sa at finnbiffen skal vera fri for «søringfjas». Det vil seia rømme, bacon, geitost og slikt. Eigentleg skal ekte finnbiff ikkje lagast av skav, men av skiver frå bog eller høgrygg. Det vesle reinen har av feitt, skal vera med på stykka. Dette skal kokast i vatn med salt og pepar. Ikkje meir vatn enn at det så vidt dekkjer kjøtet. Gryta skal koka lenge. Éin time viss det er tunne skiver, to–tre viss dei er tjukke. Du kan ha tytebær til.
Og naturlegvis potetstappe. Kan hende sylteagurk ved sida av.
Sopp er altså ikkje med i den «ekte» finnbiffen. Det er slik at samar ikkje et sopp. Den skal reinen få. Ekte finnbiff gir ekte smak av vidda, men ein «søringvariant» med både fløyte, rømme og sopp er sjølvsagt mykje betre å nyta enn ei vassen baconpølse.
Biletet denne gongen er av finnbiffen Innsida fekk i Kirkenes i mai, altså ei litt moderne utgåve.
Reinkjøt er ein stor matskatt i alle former.
Fleire artiklar
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement
«Øving er ei form for arbeid, og sanneleg heng øva etymologisk saman med latin opus (‘arbeid, verksemd’).»
Det var ein fiskar som oppdaga kvalflokken denne fredagsmorgonen, og så gjekk alarmen. Det blei bestemt at han skulle takast inn til Hvannasund. Der venta om lag hundre menneske som var varsla gjennom ei lukka gruppe på Facebook.
Alle foto: Hallgeir Opedal
Grinda kjem!
I dag har eg vore med på å drepe 220 grindkvalar. Ja, mogleg det var 230, eg mista teljinga.
Filmen følgjer Lunies-familien, som har vore splitta i lang tid.
Foto: Selmer Media