Fred og sånn

Med eige fly

til fattige land

Det gjer veldig godt

å få strekt ut ei hand

Tema, som vanleg

Fred i god ånd

og Kairo Hilton

er slett ikkje bånn

Ein svipptur til FN,

stor konferanse

Held der eit innlegg

det er min sjanse

ein ifrå Ghana

gav meg litt ros,

svart limousin og

blinkande ljos

Treffast og pratar,

bunkar med ark.

joggar ein sving

rundt Central Park

Treff Kofi Annan

god kanapé!

Møtast i Rio?

kan det funka, det?

Peace Summit Beirut,

eg reiser ned

Bookar ein suite

og grøn øko-te

Dagbladet dekker

sjå side sju

Eg slår på tråden

til Ang Sang Si Sju

Verda ho treng meg,

eg kan ikkje snu

No må eg stikka

ein tur til Peru

Løyser på slipset

så finn eg ro

heilt fremst i flyet

med drink nummer to.

Verda skal reddast

Talen vert god.

Slumpelukko

Av tidl kokkelærling ved Mælands Hotel i Granvin, Ivar Nimme:

Kva er det beste?

Kvar ligg lukka på lur?

Å sitja stille ved ei os,

ta av deg sokken,

lufta ut?

Ein bete av ei ekte pylsa?

Fiska opp ei flaska øl

berre du,

du og deg sjølv?

Ein god kopp kaffi,

nykokt, varm.

Ja, litt nykokt kaffi

og ein kar til,

i tømmerhoggarskjorte.

Ein til,

ein slik som deg?

Knapt fleirtal

Vaksdal kommunestyre hadde ei vanskeleg sak, skal ein døma etter referatet i avisa Hordaland. Demokrati kan vera krevjande. Uansett må ein kunne seia at saka vart vedteken med knappast mogeleg stemmer.