I gamle dagar var tittelen gamleordførar ofte i bruk. I ei tid med rasjonalisering i offentleg sektor og kommunesamanslåing har gamleordførarar vorte sette på sidelinja, der dei før altså var ein ressurs og vart lytta til. Mange meiner at lokaldemokratiet vart styrkt at ein hadde slike aktive gamleordførarar. Difor er det med stor glede at Innsida kan slå fast at det rører seg i gamleordførarkrinsar. Me fann denne overskrifta i lokalavisa Hordaland på Voss. Er det ein renessanse me ser byrjinga på for gamleordførarar? Me oppmodar naturlegvis lesarar over heile landet til å melda frå, viss dei oppdagar aktive, livskraftige gamleordførarar.