Luke 20:

Du har vunne eit nytt, personleg bilskilt som det står «NISSE» på. Det kostar berre 9000 kroner, og om du skal ta julehandelen i Sverige, må du skru på det gamle skiltet ditt.

Luke 21:

Du har vunne eit meditasjonskurs hjå Margot, kjend frå fjernsynsserien «Monster». Her kan du nyte naturen, sitja på verandaen og skule, køyre små leveransar over naboeigedomen, brenne ned nabobygda og lære deg teiknspråk. Unn deg ei oppleving for livet!

Luke 22:

Denne luka er tom. Du kan glede deg over at ho korkje inneheld gamal sjokolade, harskna sminke, stygg julepynt, uforståelege visdomsord, bitte små prøveflasker med krem, ukurant verktøy eller utrangert elektronikk.

Luke 23:

Har du gløymt å kjøpe julegåver? Her kjem gode tips til deg som må panikkhandle i ettermiddag:

mor: varmluftspistol til å bruke på ribbesvoren

far: brannteppe i tilfelle det tek fyr i all julepynten

partner: noko du har lyst på sjølv

fjern slektning: den keie boka du gløymde å avbestille i bokklubben du ikkje greier å melde deg ut av.

den hissige onkelen i 50-åra: Alkolås på internett

sur-naboen: boka Den jævla naboen. Om nabokrangler, tujahekkar og norsk smålighet.

Luke 24:

Den beste gåva er å gje! For berre 1170 kroner fjernadopterer du eit Dag og Tid-abonnement, og er med på å stø opp om ein bransje i naud.