Innsida held fram i det nye året med å fremja skiltkultur. Ikkje noko gler oss meir enn gode og tydelege meldingar i ein travel kvardag. Det strøymer på med døme frå lesarane.

Nille Tveranger har sendt oss ein svært tydeleg og enkel bodskap om dagens vin. Ikkje noko vits å laga noko stort nummer av slikt. Likar du raud? Eller likar du kvit? Eirik Holten har vore i Etiopia og sikkert teke meg seg alle fotavtrykka sine heim att. I det som tidlegare var Nord-Trøndelag, er det ulik handsaming av hundar og kattar, melder Ingunn Longva. Ho spør naturlegvis: «Kvifor bur kattar på hotell, medan hundar må nøya seg med pensjonat?» Hotellet ligg i Stjørdal, pensjonatet på Inderøy. Opplagt ei diskrimineringssak for dyrevernorganisasjonane.