Vi har tidlegare analysert våren og konkludert med at det er den verste årstida. Men korleis står det til med hausten – vårens vonde tvilling? Treng vi eigentleg hausten? Kva er poenget med den fjerde årstida, denne ugne overgangen mellom sol og snø, denne tida der alt blir brunt og døyr, og sola forsvinn og mørkret kjem? Er det behøveleg å hegne om hausten? Har han ein verdi i seg sjølv? Eller burde vi vurdere ein bråare overgang mellom sommar og vinter? Følg med i denne Innsida for å få ei detaljert konsekvensutgreiing om hausten.

Bra ting med hausten:

– passeleg kaldt på sengerommet når ein skal leggje seg

– fyre i omnen

– irritere seg over kor tidleg butikkane begynner med juleutstillingar

– potet

– kan klaske seg på panna og le rått når det fyrste snøkaoset råkar Oslo

– stille klokka attende

– gle seg til det er jul

– sleppe å henge med vennar og grille i parken, kan berre dra heim og sjå på fjernsyn

– haustferie

– treng ikkje å passe på kroppshåret

– bardus vaskedame

Dårlege ting med hausten:

– slutt på sommarferie

– blir anten sveitt eller iskald, vanskeleg å kle seg

– iskaldt når ein skal leggje seg

– det er vanskeleg å vurdere tidspunktet for når det blir farleg å sykle

– regn

– haustflom

– vedvarande vasskade

– at folk seier «hausten, eg elskar hausten, det er yndlingsårstida mi»

– det er snart jul, og det har gått nok eit år utan at du har utretta nokon ting

– julebord

– folk som skal på julebord

– folk som har vore på julebord

– folk som ikkje har fått julebordsinvitasjon

Haustfarga lauv og bar

Sidan KrF er partiet med dei mest haustaktige fargene, passar det bra at dei dominerer nyheitsbildet for tida. Mitt nye prinsipp er å la det aktuelle politiske bildet også setja preg på barskapet mitt.