Mange ser fram til å vaske ned til jul, hengje opp julegardiner og pynte med juledukar og lysestakar. Eg er ikkje av dei, sjølv om eg set pris på ein rein heim.

Vasking står ikkje på lista over kjekke aktivitetar. I dei fleste tilfella er det Sisyfos-arbeid. Kor lenge luktar det reint og ser støvfritt ut? Ikkje mange minutt.

Eg har lurt på om eg skulle skaffe meg ein slik fargerik fjørkost å fare over listene med, men då eg var innom Garborgsenteret på Bryne, såg eg meiningsløysa i det.

Gjer som Hulda: Bli kvitt dumba med ei halvvåt tørkefille.

Og så kan du setje fram ein kopp med grønsåpe å lukte på.