Høyrt under VM i døds

– Mamma, korfor har dei ein dykkar som dykkar ned til botnen etter at folk har dødsa?

– Han må vel ned og hente opp ballane til dei som dødsar.

– Ja vel. Du må reinse tennene dine. Dei er brune.

Sett på Øya

Og vi spør: På kva måte er Øya-popkornet organisk, tru, i tråd med ordboka?

1) Høyrer det til dyre- eller planteriket, det vil seie at det er levande?

2) Inneheld det karbon-
sambinding(ar)?

3) Er det laga av eit organ i ein kropp?

4) Er det ein harmonisk og naturleg del av ein større heilskap?

I alle fall kjøpte eg ikkje organisk popkorn. Det var for dyrt. Eg kjøpte heller ein
handroll til 65 kroner – den billigaste maten eg fann, frå utsalet med kortast kø.

Han var sikkert økologisk.

Annan Øya-mat

Det hadde vore godt med ein sticky icy hitch bowl med soya-
braisert tynnribbe, bakt søtpotet, kimchisalat og bao bun, sandwich chanchito med svinenakke, grilla søtpotet, sylta raudløk og aji amarillo-majones eller chilibakte småpoteter med rocoto-chilisaus, aioli, salat, peanøtter og vårløk. Men det hadde halde med eit ostesmørbrød, hadde det ikkje vore for at det kosta 130 kroner. 130 minus 65 er lik ein øl, nesten. Ein 0,4-liter i plastbeger kostar berre 85 kroner, og sjølvsagt er han økologisk.

Høyrt i Horten

Sagt av mann som sakte mista buksa mens han rusla over torget i Horten sentrum ein laurdag formiddag:

– Ja ja. Det er jo festival.