Guri vart overraska og glad da ho fekk eit gratis tidsskrift i posten, nemleg Din lokale hytteguide for Dovre og Lesja. Etter å ha lese gjennom bladet kan vi konkludere med at det, utanom ein del lokal reklame, berre er éi einaste sak som handlar om Dovre eller Lesja, nemleg gladsaka «Nye kutt i Lesja-økonomien». Her finn vi ut at rådmannen blant anna har foreslått å kutte eingongstøtta til bygdebok for Lesja. Vi vil gjerne melde frå om at vi er ueinige i forslaget. Ut over det lokale tilsnittet kan bladet skilte med fleire gladsaker av meir nasjonal hytteinteresse: «Hvem eier egentlig hytta ved samlivsbrudd?», «Hvor mange hytter er det plass til – fortetting av hyttefelt» og «Her drikker vi mest» (altså på hytta). Bladet gjev oss ein del praktiske råd, for eksempel: «Med madrass og sengeklær gjøres badstuen raskt om til soverom for gjester.» Og vi avsluttar med dette supre tipset: «Trim før badstubadet gir svettekjertlene en ekstra stimulans, slik at de skiller ut mer svette».