Innsida spanderar eit dikt til bruk i 50-årslag no i helga.

50

Tida går fort

for ein kar i full sving.

No er du halvvegs,

«long live the king».

Du er ferdig med testing

av nymotens ting.

Slapp av, gamle ørn.

det gjer ingenting.

Du er 50, min ven.

Du kan plystra på damer,

men sjølv har du ring.

Du vert gått frå i bakken,

og har tights når du spring.

Du går ikkje i slips,

eller pynt eller bling.

Ein verdsmann med pondus,

du reiser omkring.

Du er ikkje moderne,

høyrer framleis på Sting.

Uansett kva dei spelar,

så dansar du swing.

Slapp av, gamle røvar,

det gjer ingenting.

Du er 50, min ven.

Du var ein staseleg kar

og ein livsfarleg ving.

Nordavinden

Av tidl. kokkelærling ved Mælands Hotel, Ivar Nimme.

Så kom nordavinden

drivande

rett inn på garden

Han stod breibeint

og tok imot

Han hadde ikkje noko

imot nordavinden

Det var ho

som drog med han

han ikkje kunne fordra

Ho kom ikkje

Ho sprang nedover

mot bussen

med hjarta hans

i handveska si.

Ingrid i teikneserie

Innsida har kome over eit gamalt seriehefte. Ved fyrste augnekast kan ein tru at dette er eit dansk tidsskrift om mat, men det er det altså ikkje. Sjølv om vår eiga Ingrid Espelid Hovig er i kjent driv på fyrstesida. Men dette er ikkje mat. Det er den norske utgåva av humormagasinet Mad. Eit lite nostalgisk attersyn. Den amerikanske utgåva går attende til 1952, medan den norske kom fyrst i 1971 og var litt att og fram til det var heilt slutt i 1996.