Korrigering
Eg har ikkje unngått å leggje merke til at i desse 15 åra eg har putla med Innsida, har det ein gong iblant skjedd at eg har komme med urette opplysningar, ja, rett og slett fake news. Men det skal eg ha, når ein vennlegsinna lesar gjer meg merksam på feilen, er eg ikkje sein med både å leggje meg flat og prøve å rette opp feilen. Det har skjedd igjen. På mi førre Innside skreiv eg at figuren Bassen i teikneseriebladet Lille Lulu og Bassen hadde barbert hovud og sikspens. Og Olaug Husabø i Tromsø – namnet indikerer sjølvsagt at ho eigentleg kjem frå Sogndal – var ikkje sein med å melde seg i innboksen min:
«Bassen hadde ikkje barbert hovud og sikspens, det var ein annan. (Småen?) Bassen hadde hår (gult eller brunt?) og ein liten kvit matroshatt. Dette veit eg fordi det berre er to-tre veker sidan eg las eit Lille Lulu-blad. Eg er heilt einig i di vurdering – kjedelege blad. Men når den vesle heksa var med, var bladet litt spennande.»
Og det som truleg er det verste av det heile, er at eg blanda saman Lille Lulu med teikneseriefiguren Trulte! (Som på si side var modell for den argentinske teikneserien Mafalda.) Så for å vise kva eg eigentleg meinte, legg eg ved eit bilde av Trulte og han andre karen. Takk iallfall, Olaug, og ikkje nøl med å melde deg neste gong du oppdagar ein grov feil!
Fest og halloi!
Alle veit jo no at Dag og Tid har fått Fritt Ords Pris for 2017. Mest glans fell naturleg nok på redaktøren, men det dryp også litt på oss skribentar, har eg høyrt rykte om. Iallfall skal det bli ein sværa fest den 8. mai, der eg av heilt naturlege og heilt private årsaker kjem til å glimre ved mitt fråvære. Litt synd, sidan eg hadde tenkt å slå denne festen saman med 15-årsjubileumsfesten for Innsida, som eg rett og slett gløymde sist haust. Det var så mykje å tenkje på. Men eg ønskjer god fest til alle som har skaffa barnevakt og har høve til å møte opp. Eg har høyrt at saltstengene er av utsøkt kvalitet i år, og heimebrenten skal ikkje stå noko tilbake for tidlegare års produksjon. Eg lovar å feire med dykk i ånda, og det seier ikkje så lite.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Korrigering
Eg har ikkje unngått å leggje merke til at i desse 15 åra eg har putla med Innsida, har det ein gong iblant skjedd at eg har komme med urette opplysningar, ja, rett og slett fake news. Men det skal eg ha, når ein vennlegsinna lesar gjer meg merksam på feilen, er eg ikkje sein med både å leggje meg flat og prøve å rette opp feilen. Det har skjedd igjen. På mi førre Innside skreiv eg at figuren Bassen i teikneseriebladet Lille Lulu og Bassen hadde barbert hovud og sikspens. Og Olaug Husabø i Tromsø – namnet indikerer sjølvsagt at ho eigentleg kjem frå Sogndal – var ikkje sein med å melde seg i innboksen min:
«Bassen hadde ikkje barbert hovud og sikspens, det var ein annan. (Småen?) Bassen hadde hår (gult eller brunt?) og ein liten kvit matroshatt. Dette veit eg fordi det berre er to-tre veker sidan eg las eit Lille Lulu-blad. Eg er heilt einig i di vurdering – kjedelege blad. Men når den vesle heksa var med, var bladet litt spennande.»
Og det som truleg er det verste av det heile, er at eg blanda saman Lille Lulu med teikneseriefiguren Trulte! (Som på si side var modell for den argentinske teikneserien Mafalda.) Så for å vise kva eg eigentleg meinte, legg eg ved eit bilde av Trulte og han andre karen. Takk iallfall, Olaug, og ikkje nøl med å melde deg neste gong du oppdagar ein grov feil!
Fest og halloi!
Alle veit jo no at Dag og Tid har fått Fritt Ords Pris for 2017. Mest glans fell naturleg nok på redaktøren, men det dryp også litt på oss skribentar, har eg høyrt rykte om. Iallfall skal det bli ein sværa fest den 8. mai, der eg av heilt naturlege og heilt private årsaker kjem til å glimre ved mitt fråvære. Litt synd, sidan eg hadde tenkt å slå denne festen saman med 15-årsjubileumsfesten for Innsida, som eg rett og slett gløymde sist haust. Det var så mykje å tenkje på. Men eg ønskjer god fest til alle som har skaffa barnevakt og har høve til å møte opp. Eg har høyrt at saltstengene er av utsøkt kvalitet i år, og heimebrenten skal ikkje stå noko tilbake for tidlegare års produksjon. Eg lovar å feire med dykk i ånda, og det seier ikkje så lite.
Fleire artiklar
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Ei lauvtynn silisiumskive foredla til mikrobrikker på laboratoriet til Sintef i Forskingsparken i Oslo.
Foto: Sindre Deschington
Mikrobrikkene som formar framtida
Finst det ein snarveg til å forstå stormaktsspelet og teknologien bak dei viktige databrikkene? Ja, ein kan ta turen til Sintefs laboratorium på Blindern i Oslo.
På 70-talet meinte nokon at Billy Swan song som ein mellomting av Ringo Starr og Elvis. Det held vel til husbruk på eldre dagar.
Foto: Ctsy Monument Records, 1976
Arkivet: Hjelpa er nær
I november for femti år sidan blei genistreken «I Can Help» skriven og framført av ringreven Billy Swan.
Papiravisa