Meir frå NRK

Statsbudsjettet:

«Dyrare barnehage, reiser, hotell, porno og sportsarrangement.»

Så var det tid for julekonsertar igjen, då

Når du les dette, er det blitt november, og det betyr for mange av oss at det atter er tid for julekonsertturnering. Og det verkar nesten som det var i går at vi avslutta førre konsertturné. I fjor hadde vi med oss den tidlegare handballstjerna Mia Hundvin, som mange vil hugse. Ho gjorde ein god figur, sjølv om ho måtte trekke seg før turneen var over, av personlege årsaker. Både Konrad og eg er klare, og tende på oppgåva, og vi har øvd inn eit delvis nytt repertoar. Men vi manglar eit tredje medlem, nokon som kan kaste litt glamour og kanskje i tillegg spele eit instrument.

Etter lang tids fråvær har den noko ustabile og nærmast tonedøve advokaten min, Joachim Cappelen Damm komme på banen igjen. Han stakk innom ein kveld, saman med den trufaste hunden sin, Anus, og fortalde at han var utnemnd til forsvarar for ein av dei radikale islamistane i nabolaget mitt, i ei opprivande barnefordelingssak. Då han fekk høyre om julekonsertturneen, blei han nærmast entusiastisk og sa at der ville han gjerne stille opp, saman med den før nemnde trufaste hunden Anus. Eg spurde svært skeptisk kva for instrument han kunne førestille seg å spele, og svaret var: kornett. Eg kunne då fortelje han at kornettoppgåva var godt ivaretatt av Konrad, og at vi strengt tatt såg føre oss noko litt meir glamorøst og samtidig litt mindre forsoffent.

Så der står saka i dag. Vi har ikkje all verda med tid på oss, så eg vil gjerne at lesarane sender meg tips om aktuelle og glamorøse kandidatar som kan stå for ein støyt, toler brennevin og vegkromat og elles er greie å ha med å gjere. Og det skadar altså ikkje om dei i tillegg kan spele eit instrument. Og helst ikkje «etnisk». Vi går helst for tradisjonelle julekonsertturnéinstrument.

Halloween

I morgon er det halloween (trur eg iallfall), og eg skal som vanleg kle meg ut som ein brunsnigel. Kostymet ligg nystroke og klappa og klart. Gler meg til å gå rundt og skremme ungane.