For ei veke sidan sat vi ved fredagsbordet heime på Lesja og venta på posten. Men så skjedde det noko spektakulært. Høgare makter greip inn og sende oss avisa Norge IDAG i staden for Dag og Tid. Vel, tenkte vi, det var vel ein grunn til at dette skjedde, så vi las avisa grundig. Vi kunne fort konkludere med at vi overraskande nok likte denne konkurrerande avisa. For det fyrste har avisa eit missunningsverdig godt slagord: «Taler der andre tier.» Vi vil dessutan påstå at Norge IDAG har eit meir positivt grunnsyn enn Dag og Tid. Høyr på denne overskrifta: «Hverdagen besto av medisiner. Etter forbønn er Ådne Fardal Klev fullstendig frisk fra allergi og astma.» Avslutningsvis kan vi innrømme at vi er usikre på om Dag og Tid og Norge i dag er dikotomisk forskjellige, eller om dei to avisene kanskje har noko å tene på ein framtidig fusjonsprosess.