Posten surnar om hausten

Norske postkassar er tomme for brev i snitt to gonger i veka. Nå synest posten at nok er nok, og allereie i haust ynskjer dei endringar i postlova – noko som truleg rammar julenissen aller hardast. Er det eit slikt samfunn vi vil ha, med effektivisering av nisseposten?

Munnlekkasje om klimautslepp

Fylkesordføraren i det populære storfylket Trøndelag, Tore O. Sandvik, har den joviale eigenskapen at han seier rett ut det han tenkjer. Etter at leiaren av Energi- og miljøkomiteen på Stortinget, Ketil Kjenseth, foreslo ei kvoteordning for flyreiser, med maks ti flyreiser per person, busar fylkesordføraren ut med denne kommentaren til Adresseavisen: «Vi skal ikke fly mindre, vi skal fly mer. (...) Det er strålende at vi reiser utenlands. Vi utvider horisonten, lærer om andre kulturer, får med oss kunst og kulturopplevelser. (...) De som vil slippe å fly, skal selvfølgelig det. Å fly er frivillig.»

Vi lurer på om Tore O. Sandvik kanskje tolkar uttrykket «utvide horisonten» i overkant bokstaveleg når han trur at han må bruke fly for å koma seg til horisonten.