MENNEN

Mennen

For dei minste menn

Mennen

Etter gymtimen

Mennen

då eg var i beit

for småpengar til ti South State.

Mennen

Barsk for vaksne karar

Mennen

Mannfolklukt som varar

Mennen

då eg flørta litt

over cola og pommes frites.

Mennen

Då eg spela center

Mennen

Fall i smak hjå jenter

Mennen

mandig og viril

på pakka var det racerbil.

Mennen

Grøn og maskulin

Mennen

Under armen min

Mennen

frå ei ungdomstid

før eg fekk hår på kølla mi.

Bonden på glaset

Av tidl. Kokkelæring Ivar Nimme ved Mælands Hotel i Granvin

Før såg du bonden

i åker og eng

tidleg på arbeid

tidleg i seng

Med hua i handa,

Og lukta ifrå silo

dyrka han jorda

men fekk lite per kilo.

Den finaste maten

kom frå stor industri

nydeleg pakka

med utalandsk vri

Pasta la basta

og mexico taco

Hot empananda

På Shell og Texaco

No er det vår

Bonden skal fram

Ostar frå bygda

og villfarne lam

Kven skulle tru

Slik heider og stas

Å få bonden sitt fjes

på surkål

og på raudbeteglas.