Du trudde kanskje at denne Donald er oppfinnaren av dårleg oppførsel frå Det kvite huset, at det er fyrste gong sjefen der kallar mindre viktige land det eine og det andre.

Å nei. Donald er svær i kjeften, men det er grenser for kor mykje ugagn han får gjort. Den galnaste så langt er utan særleg konkurranse Richard Nixon. Ikkje berre bomba han Vietnam eit par år lenger enn han måtte, sette i gang avrettinga av Allende og brukte nasjonalgarden mot studentar, men han var like svær i kjeften som Donald.

Richard tok opp på lydband alt som gjekk føre seg i Det kvite huset. Desse kassettane er no offentlege. Forfattaren Tim Weiner har høyrt dei og skrive bok.

Her er eit døme (sitat Richard Nixon): «We will bomb the living bejeezus out of North Vietnam and if anybody interferes we will threaten the nuclear weapons. We are not going to let this country be defeated by this little shit-ass country.»

Han ikkje berre sa det, han gjorde det òg.

Men det gjekk som det gjekk. Shitassane vann.