FotTrøbbel

Nyleg kom Innsida over ei lysing på nettet, der ein kunne få hjelp til å unngå trøbbel med føtene. Lysinga gav dårleg svar på dei verkeleg store vanskane du kan få med føtene, som å:

z gå seg vill i fjellet eller vandra inn i eit dårleg nabolag i ein farleg by

z ikkje koma seg heim i skapleg tid

z sparka til ein sint nabo eller ei sint gardsbikkje

z gå av seg skoa

z gå hus forbi eller gå forbi det huset ein skulle til

z trakka på ein skorpion eller ein flått

z trakka over

z springa og koma for seint

z springa 60 meter på meir enn 10 sekund, når du er 11 år

z snubla

z trakka i salaten

Trøbbel med føtene er nesten verre enn trøbbel med armane. Innsida ber difor om at ein er varsam med alt ein kan hamna i, viss ein får trøbbel med føtene.

Eit godt år for fransk vin

Innsida følger den franske innhaustinga av druer tett denne hausten. Når druene no er godt i hus og den gode vinen snart har kome på fine eikefat, er det på tide å summera opp sesongen, som vil finna vegen til dei norske vinmonopola i januar 2019.

Dei beste vinane kjem frå område med tørr, steinete og kalkrik jord. At det vart ein varm sumar, gjer difor ikkje noko. Tvert imot gir det saftigare og fyldigare druer. Endåtil meir druer. Vinbønder Innsida har vore i kontakt, med, melder om opptil 20–30 prosent meir utbyte av avlingane. Med gode saftige druer og rikeleg av dei, tyder dette på at 2018 vert eit år ein skal sikra seg nokre flasker av. Viss ein kan hugsa det om lag eitt og eit halvt år fram i tid.