I Napoli rådar det fullt kaos i renovasjonsbransjen på grunn av mafiaen, og byen flyt over av søppel. Sigrid fryktar nå at det same kan skje i Grenland, der renovasjonsordninga har visse mafiose tendensar. Har du fyrst hamna på utsida, er det umogleg å koma seg inn.

Plastsøppelet blir levert i blå posar og matavfallet i grøne posar. Desse posane er nærast umoglege å oppdrive. Når du begynner å gå tom, skal du henge opp ein grøn eller blå pose på søppelkassa, så vil mannskapet på søppelbilen leggje att ein rull. Men dersom du går heilt tom for posar, hamnar du altså utanfor ordninga for alltid.

Dette er vår tids versjon av budeia som gjekk til seters med tre fyrstikker som skulle vara ein heil sommar.