Revidert due

På hytta står det gjerne nokre gamle songbøker frå 1980-talet, som ein blar litt bråkjekt i. Men så viser det seg fort at mange av barnesongane er i ferd med å bli heilt uforståelege. Ord og uttrykk er gått ut av tida, og er erstatta av ny teknologi og nye kommunikasjonskanalar. Å få oppdatert ordlyden i den norske songskatten vil koste millionar av kroner og ta mange år. Kanskje ei oppgåve for Universitetet i Bergen?

Berre for å bevise kor viktig denne oppgåva er, og for å kickstarte prosjektet, har vi teke ein liten dugnad i påska. «Lille postbud, min due» framstod som heilt absurd for oss, så vi trur at han er meir forståeleg i den nye versjonen.

Lille postbud, min due (utdatert versjon)

Lille postbud, min due

Kom til meg med ditt brev

Det er sikkert fra mor min

for til henne jeg skrev

Lille fugl, fly tilbake,

ta et kyss med til mor.

Snart skal jeg deg ledsage

når jeg bare blir stor

Kjære Twitter, mi due (oppdatert versjon)

Kjære Twitter, mi due

eg kjem til deg med
min tweet

Adressaten er «alle»

for dei likar slik drit

Kjære følgar, slå attende

Kom til meg med ditt agg

Så kan eg eskalere

med ein frekk emneknagg

Hyttebingo

Å fange temperaturen når han er lik ute og inne, men med ulikt forteikn.