I serien «Gode skilt» har innsidelesar Jarle Skjæveland sendt oss eit særs godt døme på skilting på bil. Mange verksemder som har bilar som susar rundt i samfunnet, gløymer å nytta seg av dette som ein verdfull og rimeleg kanal for å nå ut til folket.

Mobiletelefonar går lett sunde og treng vern. Men slike deksel er òg ein måte å senda ei melding ut til verda på, om kven du er og kva du likar. Innsida fann døme på dette i Dubai, der valet stod mellom Messi og Saddam Hussein. Begge tydlege karar med solid tilhengjarskare.

Innsida har òg byrja interessera seg for automatar og kva rolle dei spelar i kvardagen vår. Me vil naturlegvis, som med kampanjen for god skilting, nytta høvet til å be om bidrag frå lesarkrinsen på gode automatdøme.

Innsida bidreg sjølv med ein toalettpapirhaldar frå alpinnasjonen Frankrike, der kjende skimerke tydelegvis har eit breitt spekter av produkt. Noko for Åsnes eller Norrøna?