Den franske spionserien Le Bureau har teke Noreg med storm. Serien handlar om den franske etterretningstenesta. Agentane knyter kontaktar og gjer avtaler med både fjerne og nære. For å inngå avtaler må dei vekke tillit, og da er stilen heilt avgjerande. Om du sjølv slit med å få folk til å stole på deg, kan det vera lurt å endre framtoning.

Vi vil gjerne minne om vårt eige stilikon Arne Treholt, og lanserer her ein manual slik at du sjølv også kan gjenskapa stilen:

– pilotbriller

– trenchcoat

– dokumentmappe

– kragen trekt høgt opp

– ei avis du kan lesa i, slik at du kan slå deg ned kvar som helst utan å vekke mistanke (Dag og Tid er passande til denne bruken)