Ved store byggjeprosjekt er det lett å gå på ein smell. Ofte blir budsjettet kraftig overskride, og tidsfristen kan vera vanskeleg å halde. Berre tenk på Holmenkollen. Oppussinga vart først vurdert til å koste rundt 40 millionar kroner. Men prislappen enda til slutt opp på 1,8 milliardar.

Det er faktisk såpass vanskeleg å halde seg innanfor avtalte rammer når ein byggjer nytt, at selskapa har begynte å proklamere dei gongene dei held seg til det som er bestemt. Det er ei større nyheit at noko går som planlagt enn at det ikkje gjer det.

Dette har gjeve oss ein idé. Ja, det er jo viktig å feire dei gongene det går oss godt i livet. Ein bør alltid verdsetja sigrane sine, små som store, i staden for å gå rundt og vera gretten for feila ein gjer. Difor har vi bestemt oss for å følgje ideen frå byggjebransjen, og vi har tenkt å spenne opp eit banner kvar gong vi held ei avtale. Det er viktig å visualisere dei positive tankane.