Spørsmål til Arne Bendiksen, kor han no er:

Kvifor må ballongen vere blå?

«Dette er de vanligste sexfantasiene til nordmenn»

(Dagbladet, bak betalingsmur)

«Min nye partner har liten penis. Det påvirker sexlivet.»

(Dagbladet, bak betalingsmur)

God grunn til å skifte forlag:

«Forfatteren sier han er begeistret over entusiasmen og energien i det nye forlaget. De inviterte forfatteren på lunsj.» (NRK)

Tankar på toget

Når ein sit på toget til Bergen, og før ein når fram til Hardangervidda, er gjerne tanken som melder seg: «Her var det jaggu meg mykje skog!» Og eg ser ettertenksamt inn mellom trea og lurer på kva som skjuler seg der inne. Er det til dømes mange skoggangsmenn att der inne, desse som vi høyrde så mykje om i min oppvekst, desse fredlause som var dømde til å vandre rundt i skogane? Ein måtte passe seg for dei, men dei måtte jo også passe seg. Eg merkar at eg saknar skoggangsmennene, på same måte som eg saknar stimennene, landevegsrøvarane.

Men brått får eg auge på fire rådyr, i samla flokk; så mange på éin gong har eg aldri sett før, og dermed gløymer eg både skoggangsmenn og stimenn, og lurer i staden på kva desse rådyra har føre seg og kva dei tenkjer om livet og det heile. Om eg eingong finn eit svar på det, skal eg nok melde frå.