Då eg rydda i e-postboksen min her ein dag, fann eg tre e-brev som merkeleg nok hadde hamna i søppelkassa. Heldigvis opna eg dei. No er eg så hoppande glad at eg får lyst til å dele breva med heile verda, så ver så god.

NB. For ikkje å bryte enno skjøre vennskapsband, endrar eg etternamn og slikt noko, pluss at eg omset breva frå bokmål til norsk, for å unngå at nesten alle orda får raud strek. (Det er så ekkelt når teksten ser ut som om han blør.)

I alle fall er eg, som du snart skjøner, rik; eg har sagt opp alt av arbeid og bestilt heilårscruise.

Brev I – frå Lasse

Helsingar!!

Eg håper desse orda finn deg i god helse. Namnet mitt er Lasse Olsen, og eg er ein amerikansk hær som for tida jobbar i Afghanistan på ei fredsbevarande rørsle. Eg fann e-postkontakten din via norsk nettbasert nettplattform. Eg har eit godt og lønnsamt prosjekt som eg ønsker å ta med i Noreg, så eg har behov for nokon der borte som vil hjelpe meg. Vil du vite meir, ver venleg å skrive meg på den personlege e-postadressa mi: olsenlasse1@gmail.com.

Ver velsigna.

Lasse.

Brev II – frå Albert

På vegner av Microsoft Corporation Edinburgh USA deler vi ut Microsoft Edinburgh-prisen for 2017, og det er ei glede å gratulere: Du har vunne den elektroniske, tilfeldige e-postutveljinga. Målet med prisen er å oppmuntre til bruk av Microsoft-produkt, og at fleire skal bli datakyndige. Du vil få 945.000 britiske pund. Microsoft Corporation Board sender deg ein sjekk så snart du har sendt fullt namn, adresse, telefonnummer og fødselsdato til: Mr. Albert Hudson, Konsulent Betaling Utland, e-mail: albert.hudson@one.it.

NB!!! For å unngå doble krav og at uærlege aktørar misbruker ordninga, ber vi deg halde vinnaropplysningane for deg sjølv til beløpet er utbetalt. Du er med dette ÅTVARA!!!!! Gratulasjonar frå styre og tilsette i Microsoft Board Commission!!

Patrick McClean

Regional Director

©2017 Microsoft Corporation®.

Brev III – frå Diana

God dag.

Eg heiter Diana Hubert. Eg er det einaste barnet av sein ingeniør George Hubert. Mor mi døydde då eg berre var ein baby. Den seine far min var ein oljeentreprenør. Han hadde omfattande investeringar i eigedom og landbrukssektoren. Han blei ugudeleg forgifta av forretningskontaktar under eit forretningsmøte. Før han døydde i eit privat sjukehus her i Liberia, kalla han meg på senga og fortalde meg at han har summen av 7.500.000 dollar i ein fast konto. Og han brukte namnet mitt som arvingen sin. Han forklarte at det var på grunn av den enorme rikdommen at han blei forgifta ut av misunning og vondskap. Han rådde meg til å søke ut ein partnar i eit land kor eg vil overføre pengane og bruke han til investeringar som eigedoms- og hotellindustri. Ver venleg hjelper eg deg med å hjelpe deg på følgande måte:

(1) Skriv kva bankkonto der pengane skulle bli overførte til.

(2) Ten som investeringsansvarleg, sidan eg enno er ei lita jente.

(3) Ordne for meg å komme over til landet ditt og halde fram utdanninga mi.

(4) Sikre opphaldsløyve for meg i landet ditt.

Eg vil tilby deg 20 prosent av summen som kompensasjon for innsats etter vellukka overføring av fondet til kontoen din. Eg ser fram til å høyre frå deg snart.

Med venleg.

Helsing.