VALETS KVALAR
Ei bjørn(kjos)eteneste.
I skrivande stund er vi inne i eit spesielt døgn, måndag 11. september. Det markerer slutten på verdas lengste jobbintervju, og det ser ut til at dei tilsette i regjeringa får halde fram i jobbane sine. Men det er ikkje berre stortingsval, det er mange andre viktige val som skal gjerast i livet. Blant anna er det den store hyttevaldagen for Guri i dag. Meir om dette lenger ut i Innsida.
Gode minne frå valkampen
Oppkøyringa til årets stortingsval har vore prega av tunge politiske saker, tydelege skilnader og eit lågt personfokus. Nå som valet er over, er det på tide å oppsummere dei største hendingane i valkampen.
- Erna Solberg tok bussen utan å ha på seg sele.
- Jonas Gahr Støre har både brygge, venner og advokat.
- Jonas Gahr Støre er mykje rikare enn Erna Solberg.
- Ungane til Bjørnar Moxnes har gått i barnehage.
- Linda Hofstad Helleland og Ola Borten Moe kosar seg med vaflar (noko som tyder på at dei korkje har laktoseintoleranse eller glutenallergi).
- Knut Arild Hareide lagar videoar der han viser kor gale det kan gå om vi fjernar k-en i ulike ord. Ganse reativt!
- Trine Skei Grande har råna rundt i ein grøn elbil.
- Listhaug rykte ut i media for å fortelje kor keisamt det er å vere i media.
- Audun Lysbakken fortalde ein vits.
Forsvarstale for blondiner
Det er mange val i livet. Når ein skal lage reklamefilm, for eksempel, må ein velje kva personar ein skal ha med i reklamen. Det betyr at det er nokon andre som ikkje får vere med. Dette har flyselskapet Norwegian fått kjenne på.
Dei søkte etter blonde jenter til å spele norske turistar i ein ny reklamefilm. Dette fekk mange til å setje flykaffien i halsen. BI-professor Peggy Brønn seier til NRK at viss ho ikkje var blond og ikkje blåøygd, men heilt norsk, så ville ho vorte fornærma av dette, fordi det ikkje ville representert henne. Vi skjønar kva ho meiner, for vi kjenner oss krenkte av at Norwegian ikkje averterte etter brunetter frå Nord-Gudbrandsdalen. På den andre sida lurer vi på om kritikarane gjer blondinene ein bjørn(kjos)eteneste: dei seier implisitt at blondiner ikkje er representative for nordmenn, og at dei er uttrykk for ein gamaldags stereotypi. Er ikkje det frekt sagt?
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I skrivande stund er vi inne i eit spesielt døgn, måndag 11. september. Det markerer slutten på verdas lengste jobbintervju, og det ser ut til at dei tilsette i regjeringa får halde fram i jobbane sine. Men det er ikkje berre stortingsval, det er mange andre viktige val som skal gjerast i livet. Blant anna er det den store hyttevaldagen for Guri i dag. Meir om dette lenger ut i Innsida.
Gode minne frå valkampen
Oppkøyringa til årets stortingsval har vore prega av tunge politiske saker, tydelege skilnader og eit lågt personfokus. Nå som valet er over, er det på tide å oppsummere dei største hendingane i valkampen.
- Erna Solberg tok bussen utan å ha på seg sele.
- Jonas Gahr Støre har både brygge, venner og advokat.
- Jonas Gahr Støre er mykje rikare enn Erna Solberg.
- Ungane til Bjørnar Moxnes har gått i barnehage.
- Linda Hofstad Helleland og Ola Borten Moe kosar seg med vaflar (noko som tyder på at dei korkje har laktoseintoleranse eller glutenallergi).
- Knut Arild Hareide lagar videoar der han viser kor gale det kan gå om vi fjernar k-en i ulike ord. Ganse reativt!
- Trine Skei Grande har råna rundt i ein grøn elbil.
- Listhaug rykte ut i media for å fortelje kor keisamt det er å vere i media.
- Audun Lysbakken fortalde ein vits.
Forsvarstale for blondiner
Det er mange val i livet. Når ein skal lage reklamefilm, for eksempel, må ein velje kva personar ein skal ha med i reklamen. Det betyr at det er nokon andre som ikkje får vere med. Dette har flyselskapet Norwegian fått kjenne på.
Dei søkte etter blonde jenter til å spele norske turistar i ein ny reklamefilm. Dette fekk mange til å setje flykaffien i halsen. BI-professor Peggy Brønn seier til NRK at viss ho ikkje var blond og ikkje blåøygd, men heilt norsk, så ville ho vorte fornærma av dette, fordi det ikkje ville representert henne. Vi skjønar kva ho meiner, for vi kjenner oss krenkte av at Norwegian ikkje averterte etter brunetter frå Nord-Gudbrandsdalen. På den andre sida lurer vi på om kritikarane gjer blondinene ein bjørn(kjos)eteneste: dei seier implisitt at blondiner ikkje er representative for nordmenn, og at dei er uttrykk for ein gamaldags stereotypi. Er ikkje det frekt sagt?
Fleire artiklar
Jørgen Boassen har vorte kjend langt utanfor Grønlands grenser etter at han viste Donald Trump jr. omkring i Nuuk.
Foto: Christiane Jordheim Larsen
Alle auge på Grønland
NUUK, GRØNLAND: 2025 starta med vaksenopplæring om Grønlands geopolitiske betyding. Saman med store delar av den vestlege pressa har eg følgt spora etter Donald Trump jr. i hovudstaden Nuuk.
Afghanarane som spelar i filmen til Raha Amirfazli og Alireza Ghasemi, har flykta frå Iran.
Foto frå filmen
Filmglede
Det er alltid kjekt å opne det nye året med mykje film.
Albumet som no er ute, tek utgangspunkt i spesifikke Aphex Twin-konsertar.
Skjermdump frå YouTube
Raritetar i utval
Enkeltpersonorkesteret Aphex Twin samlar «djupe kutt» i utval til glede for store og små.
Den svenske Duo SolRoos, med luttspelaren Dohyo Sol og blokkfløytisten Emilie Roos.
Foto: Alf Ljungquist
Meistermøtet
Duo SolRoos gjev oss atterklangar av Weiss og Bach i samspel.
Teikning: May Linn Clement
Forgard i nord
Kan USA kome til å ta over Grønland med makt?
Papiravisa