Beste nordiske film

Den norske filmen Fluefangeren skal konkurrera om Nordisk Råds filmpris. Izer Aliu har regissert filmen, og Khalid Maimouni er produsent. Med utgangspunkt i eit klasserom på bygda i Makedonia fortel Alieu ei historie som er politisk og psykologisk relevant på fleire plan. Filmen vert omtalt som ei kjenslevar skildring av korleis eit diktatur kan oppstå og falla.

Danmark har plukka ut filmen Forældre av regissør og forfattar Christian Tafdrup. Der handlar det om eit mellomaldrande ektepar som vaknar opp att ein morgon – som unge att. Finland vel å satsa på Little Wing av regissør og manusforfattar Selma Vihunen. Der handlar det om overlevingshistoria til ei einsleg mor og dotter. Island er representert med Hjartasteinn av regissør og manusforfattar Gudmundur Arnar Gudmundsson. Filmen er ei oppvekstskildring om tenåringar ein sommar i ei lita fiskarbygd på Island. Sverige satsar på Sameblod av regissør og manusforfattar Amanda Kernell.