Diktet: Alexander Fallo
Foto: Anna-Julia Granberg / Blunderbuss
Neste instagrampoet ute i diktspalta er Alexander Fallo, som gav ut Du fucker med hjertet mitt nå i 2020. Fallo skil seg frå dei instagrampoetane eg hittil har skrive om: Her er mindre direkte ordspel, og dikta vitnar om djupare poetisk språkarbeid, utan at dei misser den direkte, kommunikative stilen.
I intervju seier han at eit av førebileta hans er Richard Brautigan, ein av dei amerikanske beatpoetane. Dei var kjende for den antikonforme livs- og diktstilen som appellerte til ein ny generasjon. Fallo nemner som ideal òg den norske tradisjonen etter desse diktarane, som hjå Jan Erik Vold. Denne frekke tonen har gått inn i norsk poesi, og vi finn han mange stader, frå Bertrand Besigye til Anna Kleiva.
Men det er òg ein var, melankolsk tone hjå Fallo – elles hadde han vel ikkje vore diktar? Diktsamlingar om vanskeleg kjærleik skrivne av kvinner kjem ut kvart år. Men kvinnene har sjølvsagt ikkje monopol på kjensler. Fallo skriv òg om kjærleiksvanskar, og då med ein maskulin tone.
Då skjønar vi alt ein del i diktet attmed. Alle veit kven Aleksander den store var – den allmektige landvinnaren. Forfattaren har jo same fornamn. Han byggjer opp ei positiv identifisering før han bryt heilt av med «rasshølet». Diktaren viser så til forviklingar mellom seg og kjærasten – flokar som låser seg som ein «gordisk knute». Den gordiske knuten er òg ein referanse til klassisk tid: Denne trylleknuten fanst i Zevs’ tempel i Gordion. Den som løyste denne knuten, skulle bli herre over Asia, heiter det i myten. Aleksander den store skal ha løyst knuten ved å hogge over han med sverdet.
Det er vel difor «rasshøl» er bruka – som bilete på den utolmodige mannen som ikkje vanst spelet med å løyse «knuten» på forholdet? Diktet er gjennomarbeidd med bokstav- og enderim og eit ordspel («sjå gjennom fingrane»). I tillegg har Fallo lagt inn ein pause mellom «klare» og «se bort» – som ein illustrasjon på den avstanden som oppstår mellom dei, før det heile blir brote av med eit hogg.
Ronny Spaans
jeg var alexander den store
eller alexander den gode
det største rasshølet i verden
og jeg skulle alltid bare bare
bare vent her litt
og du skulle klare å se bort
se gjennom fingrene
vi hadde tvunnet i hverandre
låst fast
en gordisk knute jeg kuttet tvert
av gammel vane
Alexander Fallo
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Neste instagrampoet ute i diktspalta er Alexander Fallo, som gav ut Du fucker med hjertet mitt nå i 2020. Fallo skil seg frå dei instagrampoetane eg hittil har skrive om: Her er mindre direkte ordspel, og dikta vitnar om djupare poetisk språkarbeid, utan at dei misser den direkte, kommunikative stilen.
I intervju seier han at eit av førebileta hans er Richard Brautigan, ein av dei amerikanske beatpoetane. Dei var kjende for den antikonforme livs- og diktstilen som appellerte til ein ny generasjon. Fallo nemner som ideal òg den norske tradisjonen etter desse diktarane, som hjå Jan Erik Vold. Denne frekke tonen har gått inn i norsk poesi, og vi finn han mange stader, frå Bertrand Besigye til Anna Kleiva.
Men det er òg ein var, melankolsk tone hjå Fallo – elles hadde han vel ikkje vore diktar? Diktsamlingar om vanskeleg kjærleik skrivne av kvinner kjem ut kvart år. Men kvinnene har sjølvsagt ikkje monopol på kjensler. Fallo skriv òg om kjærleiksvanskar, og då med ein maskulin tone.
Då skjønar vi alt ein del i diktet attmed. Alle veit kven Aleksander den store var – den allmektige landvinnaren. Forfattaren har jo same fornamn. Han byggjer opp ei positiv identifisering før han bryt heilt av med «rasshølet». Diktaren viser så til forviklingar mellom seg og kjærasten – flokar som låser seg som ein «gordisk knute». Den gordiske knuten er òg ein referanse til klassisk tid: Denne trylleknuten fanst i Zevs’ tempel i Gordion. Den som løyste denne knuten, skulle bli herre over Asia, heiter det i myten. Aleksander den store skal ha løyst knuten ved å hogge over han med sverdet.
Det er vel difor «rasshøl» er bruka – som bilete på den utolmodige mannen som ikkje vanst spelet med å løyse «knuten» på forholdet? Diktet er gjennomarbeidd med bokstav- og enderim og eit ordspel («sjå gjennom fingrane»). I tillegg har Fallo lagt inn ein pause mellom «klare» og «se bort» – som ein illustrasjon på den avstanden som oppstår mellom dei, før det heile blir brote av med eit hogg.
Ronny Spaans
jeg var alexander den store
eller alexander den gode
det største rasshølet i verden
og jeg skulle alltid bare bare
bare vent her litt
og du skulle klare å se bort
se gjennom fingrene
vi hadde tvunnet i hverandre
låst fast
en gordisk knute jeg kuttet tvert
av gammel vane
Alexander Fallo
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.