Diktet: Tarjei Vesaas
Foto: Knobelauch / NTB
Opne året med eit dikt av Tarjei Vesaas, som ingen har lese på lenge, lenge? Diktet stod i Dagbladet nyttårsaftan 1945, men kom ikkje med i debutsamlinga Kjeldene (1946) – eller seinare.
Vi veit at sluttdiktet i Dikt i samling ikkje var med i den siste diktboka hans, Liv ved straumen (1970), men vart «oppdaga» av Walter Baumgartner i Vesaas-antologien Huset og fuglen (1971) – diktet «I båten», med sluttlinjene: «Vi ror vår skrale båt./ Vår båt er einast ein./ Og hav er hav.»
Og då er vi i nærleiken av Mattis Tust i romanen Fuglane, som seier: «Du er du», når han kommuniserer med rugda.
Diktet «Mannen i haugen» går føre seg etter ei gravferd – «og ein ligg att». «Han gruver ikkje meir.» Det er dei som går heim, som har jord frå grava med seg vidare. Den døde «er ven med natta». Døden vedkjem ikkje den døde, synest diktet å seia. Sorga tilhøyrer «Dei andre, oppå graset». Eller altså: vi som les diktet.
Diktet «Vise» stod i Dagbladet i november 1945 – det vart med i debutsamlinga. Teksten følgjer eit kjærleikspar gjennom vår, sommar, haust. Fjerde og siste strofe lyder:
Om vintren kom i lunden
ein stein av mørke grjot.
Eit einsleg namn er hoggi der
og lyser Gud imot.
To dikt om døden, med ulike perspektiv. Det er mykje om død i debutsamlinga: «Kvinna i ospelunden», «Spaden» og mange fleire. Men det er «Snø og granskog» som gjerne vert lyft fram, opningsdiktet: «Tale om heimsleg –/ snø og granskog/ er heimsleg.»
I Liv ved straumen er vi i den andre enden av livsløpet: «Dei første skuggespissane/ når fram til/ føtene våre.// Vi ser roleg opp:/ Er du alt der, /min mørke blom.»
Jan Erik Vold
Mannen i haugen
Stål skurar gjennom leiret
i denne stive gravferdstund.
Dei høge bratte trea
står lyer i sin lund.
Og så blir allting stille,
og folk går frå, og ein ligg att.
No er han sett i haugen
den lange, lange natt.
Men han er ven med natta.
Med alt. Han gruver ikkje meir.
Dei andre, oppå graset,
går heimatt tyngd av leir.
Tarjei Vesaas
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Opne året med eit dikt av Tarjei Vesaas, som ingen har lese på lenge, lenge? Diktet stod i Dagbladet nyttårsaftan 1945, men kom ikkje med i debutsamlinga Kjeldene (1946) – eller seinare.
Vi veit at sluttdiktet i Dikt i samling ikkje var med i den siste diktboka hans, Liv ved straumen (1970), men vart «oppdaga» av Walter Baumgartner i Vesaas-antologien Huset og fuglen (1971) – diktet «I båten», med sluttlinjene: «Vi ror vår skrale båt./ Vår båt er einast ein./ Og hav er hav.»
Og då er vi i nærleiken av Mattis Tust i romanen Fuglane, som seier: «Du er du», når han kommuniserer med rugda.
Diktet «Mannen i haugen» går føre seg etter ei gravferd – «og ein ligg att». «Han gruver ikkje meir.» Det er dei som går heim, som har jord frå grava med seg vidare. Den døde «er ven med natta». Døden vedkjem ikkje den døde, synest diktet å seia. Sorga tilhøyrer «Dei andre, oppå graset». Eller altså: vi som les diktet.
Diktet «Vise» stod i Dagbladet i november 1945 – det vart med i debutsamlinga. Teksten følgjer eit kjærleikspar gjennom vår, sommar, haust. Fjerde og siste strofe lyder:
Om vintren kom i lunden
ein stein av mørke grjot.
Eit einsleg namn er hoggi der
og lyser Gud imot.
To dikt om døden, med ulike perspektiv. Det er mykje om død i debutsamlinga: «Kvinna i ospelunden», «Spaden» og mange fleire. Men det er «Snø og granskog» som gjerne vert lyft fram, opningsdiktet: «Tale om heimsleg –/ snø og granskog/ er heimsleg.»
I Liv ved straumen er vi i den andre enden av livsløpet: «Dei første skuggespissane/ når fram til/ føtene våre.// Vi ser roleg opp:/ Er du alt der, /min mørke blom.»
Jan Erik Vold
Mannen i haugen
Stål skurar gjennom leiret
i denne stive gravferdstund.
Dei høge bratte trea
står lyer i sin lund.
Og så blir allting stille,
og folk går frå, og ein ligg att.
No er han sett i haugen
den lange, lange natt.
Men han er ven med natta.
Med alt. Han gruver ikkje meir.
Dei andre, oppå graset,
går heimatt tyngd av leir.
Tarjei Vesaas
Fleire artiklar
Trygve Seim og Frode Haltli har samarbeidd musikalsk i 20 år.
Foto: Hubert P. Klotzeck / ECM Records
Praten flyt lett
Samtalen mellom Seim og Haltli er eksistensielt viktig.
Tekniske problem mellom Carlsen og Niemann.
Foto: Chess.com
Skandaleduellen
«Før Speed Chess Championship var eg 'gira'. Dette var så spanande som moderne sjakk kan vera.»
Kor mykje skal den enkelte forelder ha å seie over barnet? Spørsmålet er til vurdering når barnelova skal oppdaterast.
Foto: Sara Johannessen Meek / NTB
Flytterett eller vetorett?
Skal mor eller far kunne ta med seg barna og flytte langt bort etter eit samlivsbrot? Barne- og familiedepartementet vil gjere det vanskelegare for fleire, men møter motstand.
Den norske komponisten Sigurd Lie (1871–1904).
Klår kulokk
Der er både norsk og tysk nasjonalromantikk i Sigurd Lies romansar.
Gulrotsuppe med eit dryss graslauk og olivenolje.
Foto: Dagfinn Nordbø
Suppehimmelen
«Eg skjønar meg ikkje på kakebakst, for oppskriftene er så biskopstrenge, dei har lite slingringsmon for kreative påhitt.»