Smarte dikt. Ei diktbok frå i år der forelsking skal vera den dominerande kjensla. Skriven, ifølgje flappeteksten til forlaget, til forfattarens kone: 54 tekstar kalla 25. september-diktene. Same dato brukte Dag Solstad i romanen 25. septemberplassen frå 1974, to år etter folkerøystinga om fellesmarknaden, som Noreg avviste.

Eit dikt på seks liner heiter «Håv» og lyder slik: «Du flakset rett inn/ i armene mine,// Som om forelskelsen/ trengte et eksemplar// og brukte meg/ som håv.»

Eit anna, «Forelskelse», lyder slik: «Ei halshogd høne løper/ flaksende omkring/ på leting etter hodet sitt,/ for å fortelle det/ at de endelig kan fly.»

Og «Enda et kjærlighetsdikt?/ Ja visst, og enda// en soloppgang,/ og enda et gresstrå,// og enda ei tomflaske i veikanten,/ og enda en løvetann,// som strekker hals/ mot hestens gule tenner.» Altså ein gul blome som byr seg fram mot dei gule tennene til ein hest. Om fargen på tennene ikkje var nemnd, kva ville då ha skjedd med diktet?

Ein fjerde tekst: «I dag er hun skjør./ I år er mai oktober./ I dag er hun vasen/ som gikk i gulvet.// Den han limte sammen/ og stadig setter blomster i,/ selv om den lekker litt./ En og en dråpe langs kinnet.» Det er sistelina som gjev diktet eit løft: At sorga kjem, ein og ein drope om gongen.

Diktet denne veka er noko lengre. Med ei sirkelrørsle, som gjer handlinga meir utfordrande. Dama bit negler – altså er forelskinga komen på avstand. Ho fer rundt i taxi – altså er ho rastlaus. Ho tek endå ein taxi – og sit i baksetet, «under nymånen». Som er den avbitne, gullakka naglen ho nyleg spytta mot himmelen.

Og igjen: Kva har dette med EEC å gjera?

Forfattar Joakim Kjørsvik, fødd 1978, svarar ikkje.

Jan Erik Vold

Hun maler neglene gule

Hun maler neglene gule.

Tar taxi til vorspielet,

taxi til baren, taxi

dit festen aldri tar slutt.

Hun hører musikken

og stemmene og støyen,

først idet døra slår igjen

bak henne, og hun er tilbake

på fortauet, hvor hun

betalte sjåføren, og sola

er i ferd med å vekke

klokkenens nattbordssang.

Hun biter negler.

Spytter en av dem mot himmelen.

Den fester seg der.

Alt mørkner.

Hun sitter i baksetet

av en taxi,

under nymånen.

En avbitt gullakket negl.

Joakim Kjørsvik