DRAMA

REGI: JIM JARMUSCH

Paterson

MED: ADAM DRIVER, GOLSHIFTEH FARAHANI, BARRY SHAVAKA HENLEY, WILLIAM JACKSON, MASATOSHI NAGASE

Når hovudperson og bussjåføren Paterson heiter det same som den verkelege byen, Paterson, i New Jersey, er han ikkje i rute før han har skrive eit dikt.

Legg til at vi er på tur i heimbyen til den store diktaren William Carlos Williams (1883–1963), som ein gong skreiv eit dikt om byen, og det er duka for ein vakker, poetisk og rørande filmbusstur Jarmusch både har regissert og skrive manus til.

Poesi til lunsj

Soga er så enkel som at når bussjåføren Paterson (Adam Driver) kvar dag køyrer bussruta si, skriv han poesi i lunsjpausen i ei notatbok. Dikta er ofte knytte til ei hending den dagen.

Når han kjem heim til den vakre kona si, Laura (Golschifteh Farahani), som bakar kaker og steller for han og hunden, les han opp dikta (med den handskrivne teksten lagt inn i biletet). Det handlar om daglege hendingar og saker han akkederer med pubvenene sine om –også med referansar til poeten Williams.

Filmpoetens triumf

Ektefellen Laura ivrar for at han må gje ut poesien. Med på laget er pubverten Doc, og Paterson gir etter. Bok skal bli, og lukke til på vegen, til hunden får ferten av manus.

Utgangen er det ikkje kutyme å røpe, men filmen er ei gåve frå filmpoeten Jim Jarmusch som du ikkje kan kome forbi.

ROALD HELGHEIM