Vi har ein finansminister som har vanskar med minnet. Det gjer det lett å harselerer med at Frp difor burde fått ein demensminister, ikkje ein eldreminister. Nokon spør seg òg om Siv Jensen kan hugse rett om detaljane i SSB-striden når ho ikkje hugsar at ho skal ha vorte varsla om ein kollega som sende sms-ar om trekantsex med ein mindreårig.

Ser vi spørsmåla Jensen har fått om SSB og svara ho har gjeve om varslingssaka saman, gjev det ho seier derimot god meining. Ta utspørjingane NRK-journalist Fredrik Solvang har gjort av Jensen i Dagsnytt 18 i dei to sakene som døme:

– Siv Jensen, har du hatt hemmeleg telefonsamtalar med Christine Meyer?

– Eg skjønar veldig godt at folk harselerer med dette og at det verkar veldig underleg, men hadde eg sagt noko anna, så hadde eg ikkje snakka sant, då hadde eg faktisk loge. Sanninga er at eg ikkje hugsar.

– Ifølgje VG svarte Meyer i samtalen at dersom Holmøy skulle verte verande i forskingsavdelinga, måtte du instruerer henne. Lyg ho?

– Nei, altså, det verserte jo veldig mange påstandar openbert, som vi no prøvar å nøste tilbake i, og det er litt av dilemmaet. Det er i alle fall ein lærdom eg gjer meg no når vi går gjennom dette, og det er at vi i mykje større grad må skriftleggjere ting.

– Kvifor lét du det gå så langt at dette utspelte seg for open scene, Siv Jensen?

– Eg synest jo ikkje dette er ein veldig stolt augneblink for Frp, og det er mitt ansvar at vi får gode rutinar for å handtere det. Eg meiner det er viktig at vi no gjer det vi no gjer.

– Fordi du ikkje har ei sterk nok sak då kanskje?

– Jau, no synest eg faktisk du er litt ufin, for stort sett går det veldig bra.

– Er det heilt slik det var?

– Eg er faktisk veldig oppteken av å vere sannferdig, og ikkje er eg kjent for å ha spesielt dårleg minne heller.

Av og til er røynda betre enn fiksjonen. I alle fall når ein vrir litt på det.

AU