Strøymer til lærarstudia

Tala for Samordordna opptak ligg føre. Høgskulen i Oslo og Akershus og melder at lærarutdanninga deira opplever ein sterk auke. 504 søkjarar har grunnskulelærarutdanning 1.–7. steg ved OsloMet som fyrsteval. Det er ein auke på 16 prosent frå fjoråret, på line med landsgjennomsnittet. Grunnskulelærarutdanningane 5.–10. steg har òg sterk auke.

Studieretning norsk auka med 37 prosent, matematikk med 27 prosent og engelsk med 4 prosent jamført med 2017. I snitt er dette ein sterkare auke enn nasjonalt. Frisk norsk ungdom ser òg mon i data. I år har 73 prosent fleire bachelor i informasjonsteknologi som fyrsteval jamført med fjoråret. 35 prosent fleire søkjarar har dataingeniørstudiet som fyrsteval, mens anvendt datateknologi har ein auke på 20 prosent.

Sist kan vi fortelja at det er søkjarrekord mellom unge kvinner som vil kjempe imot kriminalitet og syrgje for lov og orden i kongeriket. 4706 personar har søkt om opptak til Politihøgskolen. Det er ein mindre nedgang, med 168 færre søkjarar enn fjoråret. Men som sagt ikkje hjå kvinnene. Ifølgje Politihøgskolen er kvinneprosenten på 48 rekordhøg.

Universiteta jublar òg

Universitetet i Oslo melder òg om gode tal: Aldri før har så mange søkt seg dit. Nesten 20.000 søkjarar har Universitetet i Oslo som fyrsteval. Digital økonomi og leiing er for andre året på rad det mest populære teknologistudiet. På topp tronar profesjonsstudiet i psykologi med 17 fyrstevalsøkjarar per plass.

Det er grunn til å juble òg ved NTNU. 24.638 søkjarar har valt universitetet i trønderhovudstaden som fyrsteval. Det er ein auke på 7,2 prosent jamført med fjoråret. Der òg er det IT og lærarutdanning som tronar øvst på statistikken. 5458 søkjarar har Nord Universitet som fyrsteval, det er ein auke på 5 prosent.

ronny@dagogtid.no