«Fordi Pierre Zimmermann er svært rik, har han dei seinaste tiåra hatt ein lysande bridgekarriere»
Pierre Zimmermann lyfter trofeet etter den seinaste triumfen sin, flankert av lagmedlemer og bridgebyråkratar.
Foto: European Bridge League
Det er nok mest i namnet at Pierre Zimmermann er snikkar. Han studerte matematikk og forretningsadministrasjon i heimbyen Lausanne før han i 1990 grunnla selskapet Zimmermann Immobilier, som har spesialisert seg på å kjøpe, pusse opp, leige ut og selja husvære. Han vart rik, svært rik. Og fordi han er rik, svært rik, har han dei seinaste tiåra hatt ein lysande bridgekarriere.
Han har utvilsamt òg vakse som spelar, for hadde han vore talentlaus, kunne han ikkje ha oppnådd dei formidable resultata han kan vise til. Han er det som blir kalla ein sponsor, altså ein som løner sterke spelarar for å spela i makkerskap og/eller på lag med seg (eit bridgelag er forma av to eller tre par). Det motsette er ein profesjonell bridgespelar, altså ein som lever av samarbeidet med pengesterke sponsorar.
I fleire år spela Zimmermann med den franske proffen Franck Multon på lag med det norske paret Geir Helgemo–Tor Helness og italienarane Fulvio Fantoni–Claudio Nunes. Zimmermann organiserte det såleis at lagkameratane hans alle flytte til Monaco – han greidde å skaffe dei husvære, for å seia det slik. Snart oppfylte dei kriteria for å kunne representere den til då ukjende bridgenasjonen Monaco i EM og VM for nasjonslag, og gjorde dette med stor suksess.
Men etter ymse komplikasjonar – mellom anna skuldingar om juks retta mot italienarane, og skuldingar om skattesnusk retta mot nordmennene – vart det slutt for lag Monaco. No om dagen spelar Zimmermann for heimlandet Sveits – på lag med tre polakkar og to nederlendarar. For nokre veker sidan vann dei den fyrste europeiske vintermeisterskapen i den franske alpelandsbyen Alpe d’Huez, best kjend for nokre særs krevjande oppoverbakkar i Tour de France.
Zimmermann var sjølv initiativtakar til tevlinga, som samla stjerner frå heile verda, og han spytta nok òg nokre sveitserfranc inn i arrangementet.
Erlend Skjetne
Erlend Skjetne er tidlegare juniorlandslagsspelar i bridge.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Det er nok mest i namnet at Pierre Zimmermann er snikkar. Han studerte matematikk og forretningsadministrasjon i heimbyen Lausanne før han i 1990 grunnla selskapet Zimmermann Immobilier, som har spesialisert seg på å kjøpe, pusse opp, leige ut og selja husvære. Han vart rik, svært rik. Og fordi han er rik, svært rik, har han dei seinaste tiåra hatt ein lysande bridgekarriere.
Han har utvilsamt òg vakse som spelar, for hadde han vore talentlaus, kunne han ikkje ha oppnådd dei formidable resultata han kan vise til. Han er det som blir kalla ein sponsor, altså ein som løner sterke spelarar for å spela i makkerskap og/eller på lag med seg (eit bridgelag er forma av to eller tre par). Det motsette er ein profesjonell bridgespelar, altså ein som lever av samarbeidet med pengesterke sponsorar.
I fleire år spela Zimmermann med den franske proffen Franck Multon på lag med det norske paret Geir Helgemo–Tor Helness og italienarane Fulvio Fantoni–Claudio Nunes. Zimmermann organiserte det såleis at lagkameratane hans alle flytte til Monaco – han greidde å skaffe dei husvære, for å seia det slik. Snart oppfylte dei kriteria for å kunne representere den til då ukjende bridgenasjonen Monaco i EM og VM for nasjonslag, og gjorde dette med stor suksess.
Men etter ymse komplikasjonar – mellom anna skuldingar om juks retta mot italienarane, og skuldingar om skattesnusk retta mot nordmennene – vart det slutt for lag Monaco. No om dagen spelar Zimmermann for heimlandet Sveits – på lag med tre polakkar og to nederlendarar. For nokre veker sidan vann dei den fyrste europeiske vintermeisterskapen i den franske alpelandsbyen Alpe d’Huez, best kjend for nokre særs krevjande oppoverbakkar i Tour de France.
Zimmermann var sjølv initiativtakar til tevlinga, som samla stjerner frå heile verda, og han spytta nok òg nokre sveitserfranc inn i arrangementet.
Erlend Skjetne
Erlend Skjetne er tidlegare juniorlandslagsspelar i bridge.
Fleire artiklar
Breispektra: Barbie kan brukast til det meste – også til å selje fruktdrikk til born.
Foto: Mark Lennihan / AP / NTB
Fruktdrikk til born
Å halvere fruktinnhaldet i fruktdrikk er ikkje noko helsemål.
USA var landet der den globale auken i fedme tok til for alvor. Nord-Amerika utgjer i dag halve marknaden for vektreduksjonsmidla til Novo Nordisk.
Foto: Mark Lennihan / AP / NTB
Store pengar i tomme magar
Verda er villig til å betale mange milliardar for å misse matlysta.
Kong Harald tok i audiens imot Eirik Kristoffersen på Slottet for å tildela han Krigskorset i 2011.
Foto: Lise Åserud / NTB
Baksida av medaljen
Forsvaret og forsvarssjefen har måla seg inn i eit hjørne. Dei nekta for at dei visste at feil mann blei tatt. Så påstår dei at mannen dei tok, uansett må ha vore ein Taliban-leiar.
NTNU, Noregs teknisk-naturvitskaplege universitet, med hovudsete i Trondheim, er det største universitetet i Noreg, med campusar i Gjøvik og Ålesund.
Foto: Gorm Kallestad / NTB
– Universiteta treng ei realitetsorientering
Me bør ikkje ha studietilbod som ingen etterspør, meiner Ola Borten Moe.
Teikning: May Linn Clement
Menneskeverdet er ikkje så sjølvsagt som vi trur
Sjølv om den sekulariserte versjonen av menneskeverdet framleis vert forstått som retten til liv og omsorg, er det noko som har vorte borte på vegen.