Kleskode
Utan sløyfe vart seksten år gamle Nicolai Heiberg-Evenstad nummer to i Lederer Trophy i lag med Thor Erik Hoftaniska. Premien var sjampanje.
Foto: Peter Hasenson
Den eine gongen eg har spela Lederer, fekk eg høyre at eg måtte ha sløyfe. Eg hadde ikkje tenkt på å ta med dressen til det nye bridgelivet mitt i England, og måtte difor ut på leigemarknaden. Eg var nok for gjerrig med centimetrane då eg melde inn halsomkrinsen, tenkte kanskje at det ville spara meg for nokre pund, og fekk utlevert ei særs trong sløyfe.
Lederer er den mest glamorøse tevlinga i England; berre ti spesielt inviterte lag får vera med. Tevlinga har vorte spela årleg sidan 1945 til minne om Richard Lederer, ein sentral figur i den ein gong sentrale europeiske bridgenasjonen England. Det seinaste tiåret har spelestaden vore The Royal Automobile Club, som byrja som ein bilklubb, men i dag er ein slags losje for visse høgverdige samfunnsborgarar.
Til dei fasjonable lokala på Pall Mall i Westminster kan ein sjølvsagt ikkje koma i joggeskor og flanellskjorte. Men eg burde likevel ha lukta lunta: Mellom notorisk rufsete bridgespelarar var sløyfa mi overdriven. Eg sat der som den mest stivpynta spelaren i heile lokalet – og den med størst pustevanskar. Bridgen gjekk dårleg.
I år vann Irland, styrkt av ein franskmann. Det er gledeleg at engelskmennene blir slegne av irar. Dei som kom nærast å tukte irane, med ein brutal innbyrdes siger i siste kamp, var Thomas Charlsen og Christian Bakke frå Bergen, unge Nicolai Heiberg-Evenstad frå Lenvik i tospann med den utflytte vadsøværingen Thor Erik Hoftaniska, polakk og eks-nordmann Artur Malinowski – og naturlegvis deira engelske velgjerar og muse, dame Janet Frances de Botton. Irland 277, lag de Botton 276, synte tabellen til slutt. På tredjeplass, langt bak, kom lag London.
Eit siste kuriosum: I bridge er «sløyfe» sjargong for ei dobling, meint som ei mistillitserklæring andsynes motparten. Sløyfa seier: Eg trur de har teke dykk vatn over hovudet, og det skal koste dykk dyrt.
Erlend Skjetne
Erlend Skjetne er tidlegare junior-
landslagsspelar i bridge.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Den eine gongen eg har spela Lederer, fekk eg høyre at eg måtte ha sløyfe. Eg hadde ikkje tenkt på å ta med dressen til det nye bridgelivet mitt i England, og måtte difor ut på leigemarknaden. Eg var nok for gjerrig med centimetrane då eg melde inn halsomkrinsen, tenkte kanskje at det ville spara meg for nokre pund, og fekk utlevert ei særs trong sløyfe.
Lederer er den mest glamorøse tevlinga i England; berre ti spesielt inviterte lag får vera med. Tevlinga har vorte spela årleg sidan 1945 til minne om Richard Lederer, ein sentral figur i den ein gong sentrale europeiske bridgenasjonen England. Det seinaste tiåret har spelestaden vore The Royal Automobile Club, som byrja som ein bilklubb, men i dag er ein slags losje for visse høgverdige samfunnsborgarar.
Til dei fasjonable lokala på Pall Mall i Westminster kan ein sjølvsagt ikkje koma i joggeskor og flanellskjorte. Men eg burde likevel ha lukta lunta: Mellom notorisk rufsete bridgespelarar var sløyfa mi overdriven. Eg sat der som den mest stivpynta spelaren i heile lokalet – og den med størst pustevanskar. Bridgen gjekk dårleg.
I år vann Irland, styrkt av ein franskmann. Det er gledeleg at engelskmennene blir slegne av irar. Dei som kom nærast å tukte irane, med ein brutal innbyrdes siger i siste kamp, var Thomas Charlsen og Christian Bakke frå Bergen, unge Nicolai Heiberg-Evenstad frå Lenvik i tospann med den utflytte vadsøværingen Thor Erik Hoftaniska, polakk og eks-nordmann Artur Malinowski – og naturlegvis deira engelske velgjerar og muse, dame Janet Frances de Botton. Irland 277, lag de Botton 276, synte tabellen til slutt. På tredjeplass, langt bak, kom lag London.
Eit siste kuriosum: I bridge er «sløyfe» sjargong for ei dobling, meint som ei mistillitserklæring andsynes motparten. Sløyfa seier: Eg trur de har teke dykk vatn over hovudet, og det skal koste dykk dyrt.
Erlend Skjetne
Erlend Skjetne er tidlegare junior-
landslagsspelar i bridge.
Fleire artiklar
Teikning: May Linn Clement
Olav H. Hauge-dagbøkene
15. mars 1938: «Sume er so redde for å ta frå andre, eller rettare vera ved at dei låner; dei prøver på død og liv vera originale.»
Det er seks år sidan Norma Winstone gav ut førre album.
Foto: Michael Putland / ECM Records
Hand-i-hanske-duo
Norma Winstone er ein tekstforfattar av rang.
Erling Indreeide har mellom anna skrive fleire diktsamlingar, musikk- drama og essay.
Foto: Julie Engvik
Noko for seg sjølv og noko for kvarandre
Erling Indreeide har skrive ei bok som eig ei uvanleg sterk poetisk tankekraft.
Liv Mossige (f. 1978) jobbar som lektor og skriv bokmeldingar for Dagsavisen.
Foto: Cappelen Damm
Kvasireligiøs reaksjon
Liv Mossige viser fram det amoralske hos ivrige moralistar.
Det originale grunnlovsdokumentet ligg til vanleg i stortingsarkivet. Her er det på besøk på Eidsvoll.
Foto: Berit Roald / NTB
Nynorsk, språk og skriftmål
Ofte er det vrient å dra skilje mellom språk, dialektar og språkvariantar.