Kampen om historiebøkene
Magnus Carlsen sette ein ny rekord, men vann ikkje turneringa på Isle of Man.
Foto: Maria Emelianova/Chess.com
Magnus Carlsen har vore verdseinar – øvst på ratinglista – sidan 2010 og verdsmeister sidan 2013. Betre kan det vel ikkje bli? Jau då, Garri Kasparov var verdseinar i 20 år, frå 1985 til 2005, og verdsmeister i 15 år, frå 1985 til 2000. Men det er òg alt. Carlsen, på si side, samlar no rekordar på andre område. Han har fire gull i VM i lynsjakk og to i snøggsjakk. Kasparov var ikkje interessert i slikt.
Og Carlsen har no sett ein ny rekord: 101 klassiske langsjakkparti på rad utan tap. Sist gong nordmannen tapte eit parti, var 31. juli 2018 mot aserbajdsjanaren Sjakhrijar Mamedjarov. Med den risikoen Carlsen tek i nesten kvart parti, er dette verkeleg ei historisk bragd. Til samanlikning var den cubanske verdsmeisteren José Raúl Capablanca rekna som uovervinneleg, men rekordserien hans var på berre 62 parti. Kasparov og Bobby Fischer er ikkje ein gong på lista over topp 10. Så kven finn vi der?
Den solide kinesaren Ding Liren, nummer tre i sjakkverda, hadde i fjor 100 parti på rad utan tap mot verdseliten. Så har vi verdsmeisteren frå 1960–61, Mikhail Tal, som på 70-talet fekk 95 parti på rad utan tap. Den gamle trollmannen byrja spela mange snøgge remisar for, som han sa: «Eg har fjerna den venstre nyra, og all risikovilje var plassert der.»
Carlsen tok rekorden, men han vann ikkje turneringa på Isle of Man. Det gjorde kinesaren Wang Hao, som kvalifiserte seg til kandidatturneringa, føre verdstoaren Fabiano Caruana. Og her kjem problemet med rekorden til Carlsen: Det er eit slit å spela sjakk når ein ikkje kan tapa. Det neste tapet til verdsmeisteren vil difor vera ein letnad, slik at han på ny kan slå seg laus i klassisk sjakk.
På sundag kjem ein ny sjanse til å skriva seg inn i historiebøkene: Den fyrste offisielle verdsmeisterskapen i fischersjakk. Etter diverse kvalifiseringsturneringar – Dag og Tids utsende freista lukka i den historiske VM-syklusen og hamna på 52. plass – kjem fire semifinalistar til Henie Onstad Kunstsenter på Høvik: Carlsen, Caruana, amerikanaren Wesley So og russaren Jan Nepomnjasjtsjij.
Atle Grønn
Atle Grønn er internasjonal
meister i sjakk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Magnus Carlsen har vore verdseinar – øvst på ratinglista – sidan 2010 og verdsmeister sidan 2013. Betre kan det vel ikkje bli? Jau då, Garri Kasparov var verdseinar i 20 år, frå 1985 til 2005, og verdsmeister i 15 år, frå 1985 til 2000. Men det er òg alt. Carlsen, på si side, samlar no rekordar på andre område. Han har fire gull i VM i lynsjakk og to i snøggsjakk. Kasparov var ikkje interessert i slikt.
Og Carlsen har no sett ein ny rekord: 101 klassiske langsjakkparti på rad utan tap. Sist gong nordmannen tapte eit parti, var 31. juli 2018 mot aserbajdsjanaren Sjakhrijar Mamedjarov. Med den risikoen Carlsen tek i nesten kvart parti, er dette verkeleg ei historisk bragd. Til samanlikning var den cubanske verdsmeisteren José Raúl Capablanca rekna som uovervinneleg, men rekordserien hans var på berre 62 parti. Kasparov og Bobby Fischer er ikkje ein gong på lista over topp 10. Så kven finn vi der?
Den solide kinesaren Ding Liren, nummer tre i sjakkverda, hadde i fjor 100 parti på rad utan tap mot verdseliten. Så har vi verdsmeisteren frå 1960–61, Mikhail Tal, som på 70-talet fekk 95 parti på rad utan tap. Den gamle trollmannen byrja spela mange snøgge remisar for, som han sa: «Eg har fjerna den venstre nyra, og all risikovilje var plassert der.»
Carlsen tok rekorden, men han vann ikkje turneringa på Isle of Man. Det gjorde kinesaren Wang Hao, som kvalifiserte seg til kandidatturneringa, føre verdstoaren Fabiano Caruana. Og her kjem problemet med rekorden til Carlsen: Det er eit slit å spela sjakk når ein ikkje kan tapa. Det neste tapet til verdsmeisteren vil difor vera ein letnad, slik at han på ny kan slå seg laus i klassisk sjakk.
På sundag kjem ein ny sjanse til å skriva seg inn i historiebøkene: Den fyrste offisielle verdsmeisterskapen i fischersjakk. Etter diverse kvalifiseringsturneringar – Dag og Tids utsende freista lukka i den historiske VM-syklusen og hamna på 52. plass – kjem fire semifinalistar til Henie Onstad Kunstsenter på Høvik: Carlsen, Caruana, amerikanaren Wesley So og russaren Jan Nepomnjasjtsjij.
Atle Grønn
Atle Grønn er internasjonal
meister i sjakk.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Mircea Cărtărescu kastar eit fortrolla lys over barndommen i Melankolien
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Papiravisa