Frå matfatet
Oppdrettslaks
No får du kjøpt landbasert oppdrettslaks i butikken. Er det eit godt val?
Landbasert oppdrett har eksistert lenge, men har enno ikkje tatt heilt av. Kanskje er det no det skjer?
Foto: Gorm Kallestad / NTB
Denne spalta har ikkje for vane å skryte av nyvinningar i daglegvareutvalet. Snarare tvert om: «Nye» varer i hyllene plar ikkje representere endring i anna enn smak. Om det er ei sjokoladeplate, ein yoghurt eller ein ferdigpizza, er produktet i grunnen det same, berre tilsett ein annan smak.
For varene vi skal sjå på i dag, er det omvendt. Det skal truleg mykje til for at du smakar skilnad på dei to typane røykelaks frå merkevara Lofoten som du no får kjøpt hjå Meny: Begge to er einerøykte, begge to er ferdig skiva, og dei kostar det same. Her er det produksjonsmåten som er ulik: Der den eine kjem frå merdar i havet, er den andre det fyrste produktet frå landbasert oppdrett.
Kor stor er skilnaden, eigentleg?
Bra for villaksen
Laksen Lofoten foredlar, kjem frå Salmon Evolutions anlegg på Indre Harøy i Møre og Romsdal. I eit anlegg med 59.000 kubikkmeter tankvolum produserer dei nærare 8000 tonn laks i året. Målet er å bygge seg opp til over 30.000 tonn per år i 2028.
Å flytte produksjonen inn på land har fleire fordelar: Ved å pumpe vatn frå sjø til land, la det sirkulere i tankane og så reinse vatnet før ein slepper det ut i sjøen att, får ein full kontroll med både kva som er i vatnet når det er i kontakt med oppdrettslaksen, og kva – om noko – reststoff frå oppdrettsproduksjonen som slepp attende til havet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
