Den uredde Salman Rushdie
Så tok dei han, galningane, den unge hjernevaska attentatmannen og dei fanatiske religiøse leiarane som har støtta opp om dødsdommen mot Salman Rushdie. Men Rushdie overlevde dei tolv knivstikka han fekk.
Ikkje uventa la iranske styresmakter skulda for drapsforsøket på Salman Rushdie sjølv og støttespelarane hans. Det er tragisk at Iran – det gamle kulturlandet med det vakre språket og forfattarar som Hafez, Sa’di og Omar Khayyam – eit land som no i tiår etter tiår har vorte hersa med av ekstreme islamistar – skal verta knytt til denne saka og dette ynkelege drapsforsøket.
Men eitt veit vi, same kva: Dei iranske flyktningane i Noreg er kanskje den mest vellukka innvandrargruppa vi har. Dei har lenge vore eit godt tilskot til landet vårt.
Vi er mange, ikkje minst i Noreg etter Nygaard-attentatet, som har vorte vaksinerte mot islamsk og annan religiøs fundamentalisme etter at ayatolla Khomeini i 1989 sende ut oppmodinga om å drepa Rushdie.
Rushdie-saka har vorte eit tidsskilje og eit kjernedøme på kor viktig det er at vi vernar om ytringsfridomen og ein fri religionskritikk. Ein religionskritikk som på ingen måte må undertrykkjast fordi mange urettvist vil freista å knyta han til kritikk av folkegrupper.
Her har Rushdie vore konsekvent i all sin tale: «I den augneblinken du erklærer at idear, eller religionar, er immune mot kritikk, satire, hån eller forakt, vert tankefridom umogeleg.»
Rushdie, ateist med muslimsk bakgrunn, har uredd stått opp for det han trur på. Samstundes som han på ein imponerande måte har handtert dei umenneskelege trugsmåla han har levd med i årevis. Difor var det ei lukke at Rushdie overlevde attentatet, slik at fundamentalistane ikkje vann fram.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Så tok dei han, galningane, den unge hjernevaska attentatmannen og dei fanatiske religiøse leiarane som har støtta opp om dødsdommen mot Salman Rushdie. Men Rushdie overlevde dei tolv knivstikka han fekk.
Ikkje uventa la iranske styresmakter skulda for drapsforsøket på Salman Rushdie sjølv og støttespelarane hans. Det er tragisk at Iran – det gamle kulturlandet med det vakre språket og forfattarar som Hafez, Sa’di og Omar Khayyam – eit land som no i tiår etter tiår har vorte hersa med av ekstreme islamistar – skal verta knytt til denne saka og dette ynkelege drapsforsøket.
Men eitt veit vi, same kva: Dei iranske flyktningane i Noreg er kanskje den mest vellukka innvandrargruppa vi har. Dei har lenge vore eit godt tilskot til landet vårt.
Vi er mange, ikkje minst i Noreg etter Nygaard-attentatet, som har vorte vaksinerte mot islamsk og annan religiøs fundamentalisme etter at ayatolla Khomeini i 1989 sende ut oppmodinga om å drepa Rushdie.
Rushdie-saka har vorte eit tidsskilje og eit kjernedøme på kor viktig det er at vi vernar om ytringsfridomen og ein fri religionskritikk. Ein religionskritikk som på ingen måte må undertrykkjast fordi mange urettvist vil freista å knyta han til kritikk av folkegrupper.
Her har Rushdie vore konsekvent i all sin tale: «I den augneblinken du erklærer at idear, eller religionar, er immune mot kritikk, satire, hån eller forakt, vert tankefridom umogeleg.»
Rushdie, ateist med muslimsk bakgrunn, har uredd stått opp for det han trur på. Samstundes som han på ein imponerande måte har handtert dei umenneskelege trugsmåla han har levd med i årevis. Difor var det ei lukke at Rushdie overlevde attentatet, slik at fundamentalistane ikkje vann fram.
Svein Gjerdåker
Fleire artiklar
Butikkvindauge i Worth Avenue i Palm Beach i Florida.
Alle foto: Håvard Rem
Det blonde reservatet
PALM BEACH: Krig og folkevandring verkar inn på alle vestlege val. Eit amerikansk presidentval kan verka andre vegen òg.
Lewis Lapham på Lapham’s Quarterly-kontoret ved Union Square på Manhattan.
Ein lang marsj mot idiotveldet
NEW YORK: Sett frå minnestunda for Lewis Lapham ser den politiske dagsordenen i USA mindre ny ut.
VINNAREN: På søndag vart Herbert Kickls Fridomsparti (FPÖ) for første gongen største parti i det austerrikske parlamentsvalet. Får partiet makt, vil dei jobbe for å oppheve sanksjonar mot Russland.
Foto: Lisa Leutner / Reuters/ NTB
Politikk i grenseland
Austerrikarane ser på seg sjølv som ein fredsnasjon. Likevel røystar ein tredel på prorussiske høgrepopulistar.
Eldspåsetting og steinkasting i Ramels veg i Rosengård i Malmö. Ivar Hippe har intervjua innbyggarar i utsette bydelar i Vest-Sverige.
Foto: Johan Nilsson / TT / AP / NTB
– Det kjem til å bli stygt
Ivar Hippe fekk lyst til å sjå nærmare på dei svenske tilstandane. Etter tre års arbeid er Sverige 2024: Beretninger om et land i krise her. Staten må ta styring, seier han.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»