Krisa har samla ukrainarane
Om Putin og Russland vil, kan dei raskt avblåsa den spente konfliktsituasjonen vi no har mellom Russland, Ukraina og Vesten. Framferda til Russland er uakseptabel. Det er i strid med avtalefesta traktatar å utføra militært press slik dei gjer ved den ukrainske grensa. Situasjonen er forsterka ved at dei to sjølverklærte fylka aust i Ukraina, Donetsk og Luhansk, no er anerkjende av den russiske dumaen.
Men Vesten og USA har òg ansvar for å roa situasjonen og tona ned retorikken, og ikkje bera ved til bålet. Då er det ikkje klokt av Natos forsvarsministrar, slik dei gjorde denne veka, å gå saman om å auka Natos militære styrkar i Aust-Europa.
Og det er uklokt av USAs president Biden å spissa til situasjonen slik han har gjort i tale etter tale, og dermed byggja opp under krigsfrykta. Den same opphaussinga har Biden bidrege til ved å stenga ned den amerikanske ambassaden i Kiev og flytta han vestover til byen Lviv. Flyttinga er oppsiktsvekkjande, for amerikanarane pleier å vera dei siste som forlèt ein ambassade om ei krise oppstår. Denne konflikten fortel oss på nytt at internasjonal politikk er for alvorleg til å verta overlaten til amerikanarane. Som det var i Irak og Afghanistan.
Ein russisk invasjon av Ukraina vil vera i strid med kva som vil gagna Russland. Ein invasjon vil øydeleggja alle tillitsforhold til resten av Europa. Russland har dessutan ikkje økonomi og kapasitet til å halda kontroll over Ukraina. Og ein økonomisk boikott av Russland vil vera vanskeleg for landet. Problemet med ein boikott er sjølvsagt at Tyskland har gjort seg avhengig av russisk gass.
Det er å vona at Russlands handlemåte den siste tida er avgrensa til at landet vil gje ei klar melding om at Nato-grensa går mellom Polen og Ukraina. Ei slik grense bør stillteiande vera til å leva med for både Ukraina og Nato. For Ukrainas del har Russlands handlemåte uansett styrkt landet internt og samla nasjonen mot det autoritære Russland.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Om Putin og Russland vil, kan dei raskt avblåsa den spente konfliktsituasjonen vi no har mellom Russland, Ukraina og Vesten. Framferda til Russland er uakseptabel. Det er i strid med avtalefesta traktatar å utføra militært press slik dei gjer ved den ukrainske grensa. Situasjonen er forsterka ved at dei to sjølverklærte fylka aust i Ukraina, Donetsk og Luhansk, no er anerkjende av den russiske dumaen.
Men Vesten og USA har òg ansvar for å roa situasjonen og tona ned retorikken, og ikkje bera ved til bålet. Då er det ikkje klokt av Natos forsvarsministrar, slik dei gjorde denne veka, å gå saman om å auka Natos militære styrkar i Aust-Europa.
Og det er uklokt av USAs president Biden å spissa til situasjonen slik han har gjort i tale etter tale, og dermed byggja opp under krigsfrykta. Den same opphaussinga har Biden bidrege til ved å stenga ned den amerikanske ambassaden i Kiev og flytta han vestover til byen Lviv. Flyttinga er oppsiktsvekkjande, for amerikanarane pleier å vera dei siste som forlèt ein ambassade om ei krise oppstår. Denne konflikten fortel oss på nytt at internasjonal politikk er for alvorleg til å verta overlaten til amerikanarane. Som det var i Irak og Afghanistan.
Ein russisk invasjon av Ukraina vil vera i strid med kva som vil gagna Russland. Ein invasjon vil øydeleggja alle tillitsforhold til resten av Europa. Russland har dessutan ikkje økonomi og kapasitet til å halda kontroll over Ukraina. Og ein økonomisk boikott av Russland vil vera vanskeleg for landet. Problemet med ein boikott er sjølvsagt at Tyskland har gjort seg avhengig av russisk gass.
Det er å vona at Russlands handlemåte den siste tida er avgrensa til at landet vil gje ei klar melding om at Nato-grensa går mellom Polen og Ukraina. Ei slik grense bør stillteiande vera til å leva med for både Ukraina og Nato. For Ukrainas del har Russlands handlemåte uansett styrkt landet internt og samla nasjonen mot det autoritære Russland.
Svein Gjerdåker
Fleire artiklar
Fekk ikkje plass til alt
– Det er ikkje vår oppgåve å drive med polemikk. Vi har levert eit fagleg arbeid, seier kommunikasjonsdirektør Ola Anders Skauby i Sokkeldirekoratet.
Hjortelusflugene er spesialiserte parasittar som føder levande ungar og lever heile det vaksne livet nede i pelsen til elg, hjort og rådyr.
Foto via Wikimedia Commons
Svermingstid for hjortelusfluga
Göran Fristorp døydde 3. september. Han vart 76 år gammal.
Foto: Sara Johannessen Meek / NTB
Göran Fristorp (1948–2024)
Det kjem an på storleiken, men det er ein fordel å sleppe å trene inni bilen.
Bene Riobó / Wikimedia commons
I form med bilen
Michael Keaton er attende i den ikoniske rolla som Beetlejuice.
Foto: Warner Bros. Discovery
Beetlejuice Beetlejuice: Nesten dødsfestleg
Sjølv om det er eit gledeleg gjensyn, saknar eg snerten.