Inne i bobla, utanfor seg sjølv
Senteret er ein stilrein og velkomponert roman om eit liv på mellombels tomgang.
Victoria Durnak er eit forfattarnamn å merke seg.
Foto: Heidi Furre / Flamme Forlag
Roman
Victoria Durnak:
Senteret
Flamme Forlag
Elsa er ei ung kvinne som har reist frå Oslo til Skien med ei nyfødd dotter, eit barn laga i vanvare, eller som det står i romanen Senteret av Victoria Durnak: «En ulykkelig konsekvens av en London-tur for å feire et halvt år sammen med en dust.» Elsa er mutters åleine med barnet, småbarnsmutters, og ho vil korkje ha dette ansvaret eller dela det med nokon. Barnefaren, ein viss – eller snarare uviss – H. Tangen, vil ikkje vita av nokon av dei.
Namnlaus
Elsa får dagane til å gå med å trilla ungen i barnevogn fram og attende gjennom Herkulessenteret i Skien, der ho observerer kundar, dagdrivarar, naskarar og tilsette. No og då prøver ho å få kontakt med folk, utan noko tydeleg motiv, då verkar ho stundom litt vel desperat og pågåande, men for det meste vil ho vera for seg sjølv. Ho fantaserer til tider om at barnet skal verta kidnappa, og eit par gonger går ho vekk frå barnevogna, der ungen ligg, namnlaus og så å seie identitetslaus. Ja, kva skal vel barnet heita? Ei stund tenkjer Elsa at Japan kunne vera eit bra namn, og seinare gruvlar ho litt på namnet Unik i ymse staveformer, som Unique eller Uniq, men ho veit også at dette er eit namn som har vorte populært i USA, helst mellom folk med avgrensa ressursar, og då fell mykje av poenget med namnet bort.
Det skjer ikkje mykje av stor dramatikk i denne romanen, men det gjer samstundes at det vesle som finst, får sterk verknad. Kven er den mystiske mannen i korte bukser som ho ser dagstøtt, og kva er det eigentleg med den einaste ho vert bra kjend med, naskejenta Tiril? Og vil ungen nokon gong få eit namn? Kjem ho til å heita Eple, til dømes?
Spennande
Sjølv utan eit drivande plott er Senteret ein spennande roman. Men først og fremst er han eit stykke unique skrivekunst. Boka har ei særeiga stemning, Elsa registrerer nøkternt alt ho ser, ho er observant, ho skildrar ting, dette er så å seie ein tingroman, og lesaren er heile tida inne i hovudet til hovudpersonen, i hennar tette boble. Og samstundes er Elsa utanfor seg sjølv. Ho observerer seg og sitt kjenslelaust, også barnet ser ho slik. Ho er pliktoppfyllande, men berre som ei samvitsfull barnevakt. Durnak får såleis til å skildra ein depresjon innanfrå, slik han er heile tida, også når hovudpersonen ikkje tenkjer på at ho kanskje er råka av ein depresjon. Lesaren får sjå nokre meiningsutvekslingar frå ei nettside der unge mødrer deler røynsler, og mange spørsmål om barseldepresjon dukkar opp. Lukkelegvis finst det no ei bok som kan gje andre som lurer på det same, svar på mange slike spørsmål: romanen Senteret av Victoria Durnak.
Kunst
Teksten vekslar mellom skildringar av daglege gjeremål, oppramsing av fenomen og handlingar, meldingar på nettet, samtaler hovudpersonen høyrer i forbifarten og stutte telefonsamtalar med ein eller annan me ikkje får vita noko om, og romanen står såleis fram som eit tekstunivers utan påfunn, intrigar og dikting. Alt verkar autentisk og plausibelt, men metoden og den konsekvent kjenslelause, konstaterande stilen lyfter boka frå det private til eit stykke kunst som utvidar erkjenninga til lesaren, sjølv om han eller ho eller hen ikkje deler konkrete røynsler med hovudpersonen. Senteret er såleis ein vellukka roman, gjennomtenkt i stil og komposisjon, heilt frå font og sideoppsett, og lesande folk gjer vel i å merka seg namnet Victoria Durnak. Og det skulle no ikkje vera så vanskeleg.
Odd W. Surén
Odd W. Surén er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Victoria Durnak:
Senteret
Flamme Forlag
Elsa er ei ung kvinne som har reist frå Oslo til Skien med ei nyfødd dotter, eit barn laga i vanvare, eller som det står i romanen Senteret av Victoria Durnak: «En ulykkelig konsekvens av en London-tur for å feire et halvt år sammen med en dust.» Elsa er mutters åleine med barnet, småbarnsmutters, og ho vil korkje ha dette ansvaret eller dela det med nokon. Barnefaren, ein viss – eller snarare uviss – H. Tangen, vil ikkje vita av nokon av dei.
Namnlaus
Elsa får dagane til å gå med å trilla ungen i barnevogn fram og attende gjennom Herkulessenteret i Skien, der ho observerer kundar, dagdrivarar, naskarar og tilsette. No og då prøver ho å få kontakt med folk, utan noko tydeleg motiv, då verkar ho stundom litt vel desperat og pågåande, men for det meste vil ho vera for seg sjølv. Ho fantaserer til tider om at barnet skal verta kidnappa, og eit par gonger går ho vekk frå barnevogna, der ungen ligg, namnlaus og så å seie identitetslaus. Ja, kva skal vel barnet heita? Ei stund tenkjer Elsa at Japan kunne vera eit bra namn, og seinare gruvlar ho litt på namnet Unik i ymse staveformer, som Unique eller Uniq, men ho veit også at dette er eit namn som har vorte populært i USA, helst mellom folk med avgrensa ressursar, og då fell mykje av poenget med namnet bort.
Det skjer ikkje mykje av stor dramatikk i denne romanen, men det gjer samstundes at det vesle som finst, får sterk verknad. Kven er den mystiske mannen i korte bukser som ho ser dagstøtt, og kva er det eigentleg med den einaste ho vert bra kjend med, naskejenta Tiril? Og vil ungen nokon gong få eit namn? Kjem ho til å heita Eple, til dømes?
Spennande
Sjølv utan eit drivande plott er Senteret ein spennande roman. Men først og fremst er han eit stykke unique skrivekunst. Boka har ei særeiga stemning, Elsa registrerer nøkternt alt ho ser, ho er observant, ho skildrar ting, dette er så å seie ein tingroman, og lesaren er heile tida inne i hovudet til hovudpersonen, i hennar tette boble. Og samstundes er Elsa utanfor seg sjølv. Ho observerer seg og sitt kjenslelaust, også barnet ser ho slik. Ho er pliktoppfyllande, men berre som ei samvitsfull barnevakt. Durnak får såleis til å skildra ein depresjon innanfrå, slik han er heile tida, også når hovudpersonen ikkje tenkjer på at ho kanskje er råka av ein depresjon. Lesaren får sjå nokre meiningsutvekslingar frå ei nettside der unge mødrer deler røynsler, og mange spørsmål om barseldepresjon dukkar opp. Lukkelegvis finst det no ei bok som kan gje andre som lurer på det same, svar på mange slike spørsmål: romanen Senteret av Victoria Durnak.
Kunst
Teksten vekslar mellom skildringar av daglege gjeremål, oppramsing av fenomen og handlingar, meldingar på nettet, samtaler hovudpersonen høyrer i forbifarten og stutte telefonsamtalar med ein eller annan me ikkje får vita noko om, og romanen står såleis fram som eit tekstunivers utan påfunn, intrigar og dikting. Alt verkar autentisk og plausibelt, men metoden og den konsekvent kjenslelause, konstaterande stilen lyfter boka frå det private til eit stykke kunst som utvidar erkjenninga til lesaren, sjølv om han eller ho eller hen ikkje deler konkrete røynsler med hovudpersonen. Senteret er såleis ein vellukka roman, gjennomtenkt i stil og komposisjon, heilt frå font og sideoppsett, og lesande folk gjer vel i å merka seg namnet Victoria Durnak. Og det skulle no ikkje vera så vanskeleg.
Odd W. Surén
Odd W. Surén er forfattar og fast bokmeldar i Dag og Tid.
Den konsekvent kjenslelause, konstaterande stilen lyfter boka frå det private til eit stykke kunst.
Fleire artiklar
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement
«Øving er ei form for arbeid, og sanneleg heng øva etymologisk saman med latin opus (‘arbeid, verksemd’).»
Det var ein fiskar som oppdaga kvalflokken denne fredagsmorgonen, og så gjekk alarmen. Det blei bestemt at han skulle takast inn til Hvannasund. Der venta om lag hundre menneske som var varsla gjennom ei lukka gruppe på Facebook.
Alle foto: Hallgeir Opedal
Grinda kjem!
I dag har eg vore med på å drepe 220 grindkvalar. Ja, mogleg det var 230, eg mista teljinga.
Filmen følgjer Lunies-familien, som har vore splitta i lang tid.
Foto: Selmer Media