«Tre dystre timar om ein dysfunksjonell tysk familie og død er ein av dei beste filmane i år.»
Filmen følgjer Lunies-familien, som har vore splitta i lang tid.
Foto: Selmer Media
Drama
Regi: Matthias Glasner
Sterben
Med: Lars Eidinger, Corinna Harfouch, Lilith Stangenberg, Ronald Zehrfeldt, Hans-Uwe Bauer
Kinofilm
Dirigenten Tom (Eidinger) arbeider med storverket Sterben, eller «å døy» på godt norsk. Samstundes nærmar den demenssjuke faren Gerd (Bauer) seg døden og blir send på institusjon. Mora Lissy (Harfouch) er likeglad og har sjølv alvorlege problem med helsa.
Tom har ikkje tid eller emosjonelt overskot til nokon av dei. Systera Ellen er oppteken med å helle i seg mest mogeleg alkohol. I fem kapittel med ulike perspektiv dissekerer filmskapar Matthias Glasner den sjukeleg dysfunksjonelle familien.
Lakonisk lått
Glasner vann Sølvbjørn for beste manus på Berlinalen for Sterben. Det forstår eg godt. Korleis han har sydd saman delane og får drivet til å halde seg i over tre timar, er ei bragd. Filmen er proppa av originale og fine vriar. Dei fleste gjer vondt.
«Dette er galgenhumor med tungt trykk på galgen.»
Ein deprimert og destruktiv komponistkamerat, bakfulle tannlegar ute av kontroll, ei absurd rolle som surrogatfar for ein tidlegare kjærast krydrar tilværet. Når litt lått lurar seg på, gapar eg av undring. Det blir ingen rullande gapskratt.
Humoren er så bekmørk at eg ler av at filmen blir kalla ein komedie. Dette er galgenhumor med tungt trykk på galgen. Ein kan samanlikne Sterben med den formidable Min pappa Toni Erdmann av Maren Ade frå 2016, men dramaet til Matthias Glasner er mørkare, lengre og meir nådelaust. Ein annan parallell er Tár av Todd Phillips frå 2022. Portrettet av ein frustrert dirigent i skvis har fellestrekk, men Tom har korkje stor suksess eller stjernestatus. Regissøren kan rett nok seiast å ty til muntrare tonar no enn i den grenselaust grimme Den frie viljen, som Glasner òg vann ein Sølvbjørn for i 2006.
Bravissimo
Rekkja av relativt usympatiske figurar er lang. Alle er truverdige. Dei slakke banda mellom dei er meisterleg skildra. Kvar einaste skodespelar gjer ein framifrå jobb. Spesielt Corinna Harfouch som mora er rågod. Ein alt anna enn kjærleg prat mellom ho og Tom tek kaka. Det harde ytret lèt små glimt skine gjennom augo. Men er det varme der inne? Neppe.
Lars Eidinger er òg briljant i hovudrolla. Den komplekse karakteren får alt han treng av den eineståande Eidinger. Han har lang fartstid med roller i fleire land for skarpe regissørar som Maren Ade, Claire Denis og Olivier Assayas. Der hans Tom er ein protagonist ein kan halde nokolunde med, gjev den hemningslause systera Ellen filmen litt godt taima action med fyllekulene sine. Lilith Stangenberg har energien rolla krev.
Glasner briljerer både som instruktør for skodespelarane og som manusforfattar. Han er den andre tyskaren som blandar seg inn i kampen om topplasseringar dette filmåret. Lærerværelset av Ilker Catak er heilt i tetsjiktet saman med Sterben. Båe er påkjenningar. Båe er praktfulle filmar. Høyrest det å pine seg med dryge tre timar med sosial smerte tungt ut? Då tek du feil. Denne filmen må du sjå. Kanskje spreier tragikomisk lått seg i kinosalen òg.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Matthias Glasner
Sterben
Med: Lars Eidinger, Corinna Harfouch, Lilith Stangenberg, Ronald Zehrfeldt, Hans-Uwe Bauer
Kinofilm
Dirigenten Tom (Eidinger) arbeider med storverket Sterben, eller «å døy» på godt norsk. Samstundes nærmar den demenssjuke faren Gerd (Bauer) seg døden og blir send på institusjon. Mora Lissy (Harfouch) er likeglad og har sjølv alvorlege problem med helsa.
Tom har ikkje tid eller emosjonelt overskot til nokon av dei. Systera Ellen er oppteken med å helle i seg mest mogeleg alkohol. I fem kapittel med ulike perspektiv dissekerer filmskapar Matthias Glasner den sjukeleg dysfunksjonelle familien.
Lakonisk lått
Glasner vann Sølvbjørn for beste manus på Berlinalen for Sterben. Det forstår eg godt. Korleis han har sydd saman delane og får drivet til å halde seg i over tre timar, er ei bragd. Filmen er proppa av originale og fine vriar. Dei fleste gjer vondt.
«Dette er galgenhumor med tungt trykk på galgen.»
Ein deprimert og destruktiv komponistkamerat, bakfulle tannlegar ute av kontroll, ei absurd rolle som surrogatfar for ein tidlegare kjærast krydrar tilværet. Når litt lått lurar seg på, gapar eg av undring. Det blir ingen rullande gapskratt.
Humoren er så bekmørk at eg ler av at filmen blir kalla ein komedie. Dette er galgenhumor med tungt trykk på galgen. Ein kan samanlikne Sterben med den formidable Min pappa Toni Erdmann av Maren Ade frå 2016, men dramaet til Matthias Glasner er mørkare, lengre og meir nådelaust. Ein annan parallell er Tár av Todd Phillips frå 2022. Portrettet av ein frustrert dirigent i skvis har fellestrekk, men Tom har korkje stor suksess eller stjernestatus. Regissøren kan rett nok seiast å ty til muntrare tonar no enn i den grenselaust grimme Den frie viljen, som Glasner òg vann ein Sølvbjørn for i 2006.
Bravissimo
Rekkja av relativt usympatiske figurar er lang. Alle er truverdige. Dei slakke banda mellom dei er meisterleg skildra. Kvar einaste skodespelar gjer ein framifrå jobb. Spesielt Corinna Harfouch som mora er rågod. Ein alt anna enn kjærleg prat mellom ho og Tom tek kaka. Det harde ytret lèt små glimt skine gjennom augo. Men er det varme der inne? Neppe.
Lars Eidinger er òg briljant i hovudrolla. Den komplekse karakteren får alt han treng av den eineståande Eidinger. Han har lang fartstid med roller i fleire land for skarpe regissørar som Maren Ade, Claire Denis og Olivier Assayas. Der hans Tom er ein protagonist ein kan halde nokolunde med, gjev den hemningslause systera Ellen filmen litt godt taima action med fyllekulene sine. Lilith Stangenberg har energien rolla krev.
Glasner briljerer både som instruktør for skodespelarane og som manusforfattar. Han er den andre tyskaren som blandar seg inn i kampen om topplasseringar dette filmåret. Lærerværelset av Ilker Catak er heilt i tetsjiktet saman med Sterben. Båe er påkjenningar. Båe er praktfulle filmar. Høyrest det å pine seg med dryge tre timar med sosial smerte tungt ut? Då tek du feil. Denne filmen må du sjå. Kanskje spreier tragikomisk lått seg i kinosalen òg.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement
«Øving er ei form for arbeid, og sanneleg heng øva etymologisk saman med latin opus (‘arbeid, verksemd’).»
Det var ein fiskar som oppdaga kvalflokken denne fredagsmorgonen, og så gjekk alarmen. Det blei bestemt at han skulle takast inn til Hvannasund. Der venta om lag hundre menneske som var varsla gjennom ei lukka gruppe på Facebook.
Alle foto: Hallgeir Opedal
Grinda kjem!
I dag har eg vore med på å drepe 220 grindkvalar. Ja, mogleg det var 230, eg mista teljinga.
Filmen følgjer Lunies-familien, som har vore splitta i lang tid.
Foto: Selmer Media