Edda fer heim

Teaterstykket Edda gjestar Island. Sundag 17. juni og måndag 18. juni spelar den moderne tolkinga av den norrøne mytologien under Reykjavik Arts festival, heiter det i ei pressemelding frå Det Norske Teatret.

Stykket av Robert Wilson, basert på Jon Fosses adapsjon av Edda, gjorde suksess i Oslo. Framsyninga hausta kritikkar etter premieren våren 2017 og vart heidra med Heddaprisen for særleg kunstnarleg innsats og beste scene-/kostymedesign. Edda har alt vorte sett opp i Århus i Danmark.

Pris til Mike McCormack

Mike McCormack har vunne The International Dublin Literary Award. Han får 100.000 euro (om lag ein million kroner) for romanen Solar Bones. Mange gjæve forfattarar var nominerte, mellom andre vår eigen Roy Jacobsen, men prisen gjekk altså til ein heimleg favoritt.

Solar Bones er ikkje for småborn, handlinga går føre seg på Alle sjelers dag og fortel om skrømt som kjem attende. «Romanen er skriven i éi enkelt setning som flyt over 270 sider, med ei handling som spenner over éin enkelt dag», skriv juryen.

Apple Books

iBooks høyrer til fortida, for til hausten blir Apple Book lansert. Som det går fram av namnet, er det Apple som står bak oppfinninga. Det er tale om ei ny iOS-oppdatering for iPhone- og iPad-brukarar. Til skilnad frå iBooks vil Apple Book kunne tilby ljodbøker. iOS 12, som er det tekniske namnet på Apple Book, blir ein del av Apples standardoppsett.

ronny@dagogtid.no