Anime i Disneyland
Japansk animasjonsfilm tar opp tidstypisk tematikk på tamt vis.
Filmen handlar om den einsame tenåringsjenta Suzu som ein dag kjem over den virtuelle verda U.
Foto: Studio Chizu
Animasjon
Regi: Mamoru Hosoda
Belle
Stemmer: Hannah Storm, Herman Tømmeraas, Ida Cathrine Holme Nielsen
Kinofilm
Syttenåringen Suzu bur på bygda sør i Japan, langt frå all merksemd. Ho og faren slit med å snakka saman etter at mora døydde. Ifølge venninna hennar er Suzu ei grå mus, men i det verdsdekkande virtuelle universet U får Suzu leve ut draumane sine. Ho blir ein enormt populær songar og er fascinert av eit pøbelaktig monster der inne. Kven er han i røynda?
Generisk glatt
Belle er inspirert av Skjønnheten og udyret. At det er versjonen frå Disney som har påverka den japanske regissøren Mamoru Hosoda mest, er lett å sjå. Ein finn alle trekka ein klagar på når ein snakkar om «disneyfisering». Figurar og konfliktar er enkle. Romantikken er sentral. Ingenting er implisitt. Replikkane er irriterande resirkulerte. Musikken er preglaus og polert. Ideen om venleik er blå auge, store som tinntallerkar. Alle jentene har ein kropp à la Kate Moss på nittitalet, retusjert endå spinklare. Nerdevenninna har briller. Fantasien ligg lågt.
Anemisk alder
Ei mengd typisk aktuelle tema er med, som sosiale medium med kommentarfelt, utanforskap, netthets og kjendiseri. Bodskapar kjem med teskei. Moralen er «ver deg sjølv», som det er i 90 prosent av filmar for born. Ikkje at det er noko gale med det. Eg anar likevel ein avstand mellom tenåringsmiljøet som er skildra, og smårollingar som synest eit så enkelt filmspråk er greitt.
Rikdomen av idear og nyansane ein kjenner frå konkurrerande Studio Ghibli, er fråverande. Dei visuelle påfunna er i eit sjellaust landskap mellom japansk anime og annanrangs Disney. Takke meg til Chihiro og heksene.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Animasjon
Regi: Mamoru Hosoda
Belle
Stemmer: Hannah Storm, Herman Tømmeraas, Ida Cathrine Holme Nielsen
Kinofilm
Syttenåringen Suzu bur på bygda sør i Japan, langt frå all merksemd. Ho og faren slit med å snakka saman etter at mora døydde. Ifølge venninna hennar er Suzu ei grå mus, men i det verdsdekkande virtuelle universet U får Suzu leve ut draumane sine. Ho blir ein enormt populær songar og er fascinert av eit pøbelaktig monster der inne. Kven er han i røynda?
Generisk glatt
Belle er inspirert av Skjønnheten og udyret. At det er versjonen frå Disney som har påverka den japanske regissøren Mamoru Hosoda mest, er lett å sjå. Ein finn alle trekka ein klagar på når ein snakkar om «disneyfisering». Figurar og konfliktar er enkle. Romantikken er sentral. Ingenting er implisitt. Replikkane er irriterande resirkulerte. Musikken er preglaus og polert. Ideen om venleik er blå auge, store som tinntallerkar. Alle jentene har ein kropp à la Kate Moss på nittitalet, retusjert endå spinklare. Nerdevenninna har briller. Fantasien ligg lågt.
Anemisk alder
Ei mengd typisk aktuelle tema er med, som sosiale medium med kommentarfelt, utanforskap, netthets og kjendiseri. Bodskapar kjem med teskei. Moralen er «ver deg sjølv», som det er i 90 prosent av filmar for born. Ikkje at det er noko gale med det. Eg anar likevel ein avstand mellom tenåringsmiljøet som er skildra, og smårollingar som synest eit så enkelt filmspråk er greitt.
Rikdomen av idear og nyansane ein kjenner frå konkurrerande Studio Ghibli, er fråverande. Dei visuelle påfunna er i eit sjellaust landskap mellom japansk anime og annanrangs Disney. Takke meg til Chihiro og heksene.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Mircea Cărtărescu kastar eit fortrolla lys over barndommen i Melankolien
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Papiravisa