Sprudlande sjarm
Den iranske regissøren Panah Panahi køyrer i same fil som far sin med humørfylt og smart systemkritikk.
Debutfilmen til Panah Panahis er ei bittersøt reise vestover.
Foto: Arthaus
Drama
Regi: Panah Panahi
Veien videre (Orig.tit.: Jaddeh Khaki)
Med: Pantea Panahiha, Hasan Majuni, Rayan Sarlak, Amin Simiar
Kinofilm
Ein familie på fire er på biltur vestover frå Teheran. Den vaksne sonen (Simiar) sit taus bak rattet. Vetlebroren (Sarlak) er ein krabat med ville mengder energi og sjarm. Faren (Majuni) har beinet i gips og kjeklar med alle og tergar kjærleg.
At mora vurderer å ete eit simkort før ho gøymer mobilen under ein stein langs vegen, er første teikn på at dette ikkje er ein heilt vanleg helgetur. Sonen skal ut av landet.
Humor
Det haglar frekke replikkar. Den godlynte ertinga er kjekk. Humoren er bekmørk. Eg humrar og smilar. Ungen er bastant, veslevaksen og lukkeleg uvitande om kva motivet for reisa er. Foreldra freistar halde oppe stemninga. For publikum fungerer det framifrå.
Diskusjonane krinsar om Batman og 2001: en romodyssé. Det svingar av glitrande slagarar frå iransk musikkhistorie som vantar velsigning frå prestestyret. Ein sonate av Franz Schubert gjev bittersøt klang. Ein typisk bonus med reisefilmar er utsikta. Det får vi her òg, frå den inntørka Urmia-sjøen, via raslande korn og lauv til fjella på grensa mot Tyrkia.
Skodespelarkvartetten spelar flott. Yngstemann Rayan Sarlak er eit funn. Den lakoniske stilen til Hasan Majuni som faren er fin. Pantea Panahiha som mora gjer likevel den beste rolla. Ho har nerve og nærvær av format og er den som utløyser sterkast kjensler.
Familiereisa
Ein sporar sorga tydeleg bak det tapre smilet til mora, og faren stirar stundom ut i lufta med eit mektig mørke i augo. I solid iransk tradisjon visar Panah Panahi konsekvensar av eit nådelaust styresett gjennom eit stramt drama. Klare rammer med stor klangbotn, men utan eksplisitte brannfaklar er ei kjend oppskrift i eit av dei beste filmlanda i verda.
Jafar Panahi, far til Panah, har hatt stor suksess med å fortelje frå bilen i Taxi Teheran og 3 kvinner. Sonen tar etter eit par stilval. Han har arva det skarpe blikket og den friske humoren. Det blir spennande å sjå kvar vegen går vidare for den nye generasjonen. Debuten var ei herleg reise.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Panah Panahi
Veien videre (Orig.tit.: Jaddeh Khaki)
Med: Pantea Panahiha, Hasan Majuni, Rayan Sarlak, Amin Simiar
Kinofilm
Ein familie på fire er på biltur vestover frå Teheran. Den vaksne sonen (Simiar) sit taus bak rattet. Vetlebroren (Sarlak) er ein krabat med ville mengder energi og sjarm. Faren (Majuni) har beinet i gips og kjeklar med alle og tergar kjærleg.
At mora vurderer å ete eit simkort før ho gøymer mobilen under ein stein langs vegen, er første teikn på at dette ikkje er ein heilt vanleg helgetur. Sonen skal ut av landet.
Humor
Det haglar frekke replikkar. Den godlynte ertinga er kjekk. Humoren er bekmørk. Eg humrar og smilar. Ungen er bastant, veslevaksen og lukkeleg uvitande om kva motivet for reisa er. Foreldra freistar halde oppe stemninga. For publikum fungerer det framifrå.
Diskusjonane krinsar om Batman og 2001: en romodyssé. Det svingar av glitrande slagarar frå iransk musikkhistorie som vantar velsigning frå prestestyret. Ein sonate av Franz Schubert gjev bittersøt klang. Ein typisk bonus med reisefilmar er utsikta. Det får vi her òg, frå den inntørka Urmia-sjøen, via raslande korn og lauv til fjella på grensa mot Tyrkia.
Skodespelarkvartetten spelar flott. Yngstemann Rayan Sarlak er eit funn. Den lakoniske stilen til Hasan Majuni som faren er fin. Pantea Panahiha som mora gjer likevel den beste rolla. Ho har nerve og nærvær av format og er den som utløyser sterkast kjensler.
Familiereisa
Ein sporar sorga tydeleg bak det tapre smilet til mora, og faren stirar stundom ut i lufta med eit mektig mørke i augo. I solid iransk tradisjon visar Panah Panahi konsekvensar av eit nådelaust styresett gjennom eit stramt drama. Klare rammer med stor klangbotn, men utan eksplisitte brannfaklar er ei kjend oppskrift i eit av dei beste filmlanda i verda.
Jafar Panahi, far til Panah, har hatt stor suksess med å fortelje frå bilen i Taxi Teheran og 3 kvinner. Sonen tar etter eit par stilval. Han har arva det skarpe blikket og den friske humoren. Det blir spennande å sjå kvar vegen går vidare for den nye generasjonen. Debuten var ei herleg reise.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Skodespelarkvartetten spelar flott.
Fleire artiklar
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
KrF-leiar Dag Inge Ulstein får ikkje Stortinget med seg på å endre retningslinjene for kjønnsundervisning i skulen.
Thomas Fure / NTB
Utfordrar kjønnsundervisninga
Norske skulebøker kan gjere elevar usikre på kva kjønn dei har, meiner KrF-leiar Dag Inge Ulstein.
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Den rumenske forfattaren Mircea Cartarescu har skrive både skjønnlitteratur, lyrikk og litterære essay.
Foto: Solum Bokvennen
Mircea Cărtărescu kastar eit fortrolla lys over barndommen i Melankolien
Taiwanarar feirar nasjonaldagen 10. oktober framfor presidentbygget i Taipei.
Foto: Chiang Ying-ying / AP / NTB
Illusjonen om «eitt Kina»
Kina gjer krav på Taiwan, og Noreg anerkjenner ikkje Taiwan som sjølvstendig stat. Men kor sterkt står argumenta for at Taiwan er ein del av Kina?
Papiravisa