Svak Salander
Claire Foy gjer sitt beste for å gi liv til Lisbeth Salander, men rollefiguren er for underutvikla og grunn.
Filmen byggjer på den fjerde boka om Lisbeth Salander, skriven av David Lagercrantz.
Foto: Nadia Klier
Drama
Regi: Fede Alvarez
The Girl in the Spider’s Web
Med: Claire Foy, Sylvia Hoeks, Sverrir Gudnason
The Girl in the Spider’s Web gir oss den tredje tolkinga av Lisbeth Salander. Claire Foy erstattar Noomi Rapace og Rooney Mara i rolla som den hemngjerrige hackaren med dragetatoveringa. Filmen er basert på fjerde bok i Millennium-serien, kontroversielt ført i pennen av David Lagercrantz, men tonar ned journalist Mikael Blomkvist (Gudnason) og gir Salander hovudrolla.
Salander får i oppdrag å hacke eit dataprogram som gir USA tilgang til alle atomkodar i verda. Kunden er han som utvikla programmet, men som no vil øydelegge verket. Ein kriminell russisk bande vil også ha kloa i kodane. Snart er både Lisbeth og programutviklaren i fare. Lisbeth tar kontakt med Blomkvist for å få nøsta opp i trådane. Det som følgjer, er ein katt-og-mus-leik mellom fleire interessegrupper. Dette involverer også SÄPO (Säkerhetspolisen) og ein amerikansk agent som mildt sagt tar seg til rette i Sverige.
Plottet er rotete og uryddig fortalt. Regissør Alvarez står i for stor estetisk gjeld til David Fincher, som regisserte den første filmen, The Girl With The Dragon Tattoo. Ønsket om å gjere Lisbeth til ein kvinneleg superhelt, er sterkt, men ho er for underutvikla som actionhelt og for blank som rollefigur. Det er ein emosjonell kjerne her, eit barndomstraume, som involverer Camilla Salander (Hoeks), Lisbeths kriminelle syster. Denne historia får aldri den djupna ho kunne hatt. Alvarez tyr heller til klassiske actionfilmsekvensar, filma med ustødig handhalde kamera i eit heseblesande tempo, noko som svekkjer heilskapen.
Sondre Åkervik
Sondre Åkervik er frilans kulturjournalist og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Fede Alvarez
The Girl in the Spider’s Web
Med: Claire Foy, Sylvia Hoeks, Sverrir Gudnason
The Girl in the Spider’s Web gir oss den tredje tolkinga av Lisbeth Salander. Claire Foy erstattar Noomi Rapace og Rooney Mara i rolla som den hemngjerrige hackaren med dragetatoveringa. Filmen er basert på fjerde bok i Millennium-serien, kontroversielt ført i pennen av David Lagercrantz, men tonar ned journalist Mikael Blomkvist (Gudnason) og gir Salander hovudrolla.
Salander får i oppdrag å hacke eit dataprogram som gir USA tilgang til alle atomkodar i verda. Kunden er han som utvikla programmet, men som no vil øydelegge verket. Ein kriminell russisk bande vil også ha kloa i kodane. Snart er både Lisbeth og programutviklaren i fare. Lisbeth tar kontakt med Blomkvist for å få nøsta opp i trådane. Det som følgjer, er ein katt-og-mus-leik mellom fleire interessegrupper. Dette involverer også SÄPO (Säkerhetspolisen) og ein amerikansk agent som mildt sagt tar seg til rette i Sverige.
Plottet er rotete og uryddig fortalt. Regissør Alvarez står i for stor estetisk gjeld til David Fincher, som regisserte den første filmen, The Girl With The Dragon Tattoo. Ønsket om å gjere Lisbeth til ein kvinneleg superhelt, er sterkt, men ho er for underutvikla som actionhelt og for blank som rollefigur. Det er ein emosjonell kjerne her, eit barndomstraume, som involverer Camilla Salander (Hoeks), Lisbeths kriminelle syster. Denne historia får aldri den djupna ho kunne hatt. Alvarez tyr heller til klassiske actionfilmsekvensar, filma med ustødig handhalde kamera i eit heseblesande tempo, noko som svekkjer heilskapen.
Sondre Åkervik
Sondre Åkervik er frilans kulturjournalist og fast filmmeldar i Dag og Tid.
Fleire artiklar
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Gassleidningar i Moldova. Landet risikerer ei energikrise til neste år.
Foto: Aurel Obreja / AP / NTB
Moldova i skvis
Frå 1. januar kjem det ikkje meir gass til Europa gjennom Ukraina. Det kan bli alvorleg for energitryggleiken i Moldova.
Stoltenberg I-regjeringa på Slottsplassen. Dåverande statsminister Jens Stoltenberg og utanriksminister Thorbjørn Jagland står fremst.
Foto: Jarl Fr. Erichsen / NTB
Venstrepopulisme på norsk – en refleksjon
«Ved markedsrettingen og privatisering ga venstresiden delvis fra seg det som hadde vært dens kjennemerke, nemlig å mobilisere staten til fordel for folk flest.»
I november 2017 besøkte president Donald Trump kollegaen Xi Jinping i Beijing. Same året tok handelskrigen mellom USA og Kina til.
Foto: Damir Sagolj / Reuters / NTB
Det som kjem etter globaliseringa
35 år etter at Berlinmuren fall og liberalismen såg ut til å ha vunne, reiser tollmurane seg i verda.
Gatekunsten på denne muren i Kyiv er basert på kunsten til Marija Prymatsjenko, som ukrainarane no omfamnar.
Foto via Wikimedia Commons
Naiv kunst og nøktern røyndom
Dei naivistiske dyrefigurane til Marija Prymatsjenko har blitt viktige for gjennomsnittsukrainaren, som kjempar vidare i trua på mirakel.
Papiravisa